پاکستان هغه بریټانیايي خبریال له خپلې خاورې اېستی دی، چې غوښتل یې عمران خان وویني

د اسلام اباد په بي ۱۷ ښارګوټي کې افغان کډوال وايي، دغلته په اونۍ کې یو ځلې پولیس ځواکونه راځي او په ګڼ شمېر کې افغان کډوال نیسي چې ځینې یې د پیسو په بدل کې بېرته خوشې کېږي او ځیني یې بیا تر ډېرې مودې په زندانونو کې بې برخلیکه پراته وي.
د بي ۱۷ ښارګوټي یوه اوسېدونکې افغانه کډواله فخریه وايي، چې د نوموړې زلمی زوی یې چې د کور سرپرستي هم ورتر غاړې وه پولیسو نن سهار وړی او تر اوسه یې د ځای ځایګي مالومات نه لري چې د پولیسو په کومه تاڼه کې پروت دی.
نوموړې وايي، دغه زلمی زوی یې یواځینی د کور نارینه دی او بل داسې څوک نه لري چې د دوی لاس پرې سپک شي.

د مېرمن فخریې په وینا، د زوی له ویزې یې یوازې یوه اونۍ تېره شوې او د نوې ویزې لپاره یې غوښتنلیک هم سپارلی دی؛ خو تر اوسه یې نوې ویزه نه ده تر لاسه کړې، په دې کې خو زموږ ګناه نه ده چې حکومت ته غوښتنلیکونه لېږو او هغوی زموږ د ویزو موده نه غځوي.
په همدغه ښارګوټي کې افغان کډوال عبدالعزیز وايي، چې د هغه دوه وروڼه یې نن سهار بېولي دي.

هغه وايي، د ده د وروڼو امریکا ته د تګ ټولې چارې بشپړې شوې، دوه ځلې یې مرکې (انټریو) ګانې هم ورکړې او روغتیايي معاینات یې هم بشپړ شوي دي؛ خو اوس پولیسو نیولي او له ځانه سره یې بېولي دي.
نوموړی وايي، که چېرته د ده وروڼه بېرته افغانستان ته واړول شي، د هغوی ټول برخلیک به ورسره ناڅرګند پاتې شي.

هغه په دې برخه کې د امریکا او نورو هېوادونو له استازولیو غواړي هغه کسان چې له دوی سره یې د کډوالۍ چارې بشپړې شوې، باید داسې سندونه هغوی ته ورکړل شي چې له پولیس یا نورې ادارې یې و نه ځوروي.
په اسلام اباد کې د افغان کډوالو د شورا مشر میوند عالمي افغانستان انټرنشنل ته وویل، چې تر دې مهاله د اسلام اباد پولیسو د بي ۱۷ ښارګوټي څخه لږ تر لږه شل تنه افغان کډوال د ترنول او سنجاڼۍ تاڼو ته وړي او دوی هڅه کوي چې د کډوالو لپاره د ملګرو ملتونو د کمیشنرۍ په منځګړیتوب هغوی بېرته راخوشې کړي.
ښاغلي عالمي له مهاجر منونکو هېوادونو غوښتنه وکړه، چې د کډوالو د لېږد چارې دې ګړندۍ کړي او هغو کډوالو ته چې د غوښتنلیکونو بهیر یې د بشپړېدو په حال کې دی باید داسې اسناد او مدارک ورکړل شي چې د دغه شان برخلیک سره مخامخ نه شي.

هغه وايي، دوی دلته د ټولو افغان کډوالو مسولیت ته غاړه اېښې او هره پلا چې پولیس د دوی د کورنیو غړي بیايي؛ نو د هغوی مېرمنې او ماشومان دوی ته ورځي او ویر ژړا یې پر دوی وي.
خو د ا نه لومړی ځل دی او نه هم ښايي وروستی ځل شي، چې په اسلام اباد کې پولیس افغان کډوال نیسي او بندیانوي یې.

تر دې وړاندې هم ډېر افغانان نیول شوي، ځینې یې بېرته خوشې شوي، یو شمېر یې لا هم بندیان دي او داسې کسان هم شته چې له تورخمه اړول شوي او په لویدیځو هېوادونو کې د هغوی د کډوالۍ بهیر نیمګړی پاتې شوی.
خو له لویه سره وېره دا ده، چې په دغو کډوالو کې د داسې کسانو شمېر هم کم نه دی که هغوی په زور او جبر ستنول کېږي؛ نو د طالبانو له خوا د هغوی پر وړاندې شته ګواښونه هغه څه دي، چې د دوی ژوند د مرګ سره مخامخولای شي.
د بشري حقونو یو شمېر فعالان له پاکستاني چارواکو او نړۍوالې ټولنې په کلکه غوښتنه کوي، چې د دغه شان جبري ستنولو مخه ونیسي او په لوی لاس دغه کډوال د مرګ خولې ته ورنکړي.

بالاخره په ۱۹۶۲ کال کې په دغه کورنۍ کې فلسطیني سیاستوال اسماعیل هنيه وزېږېد.
هنیه د همدې جګړو پرمهال لوی شو او په هغه ښوونځي کې شامل شو، چې د ملګرو ملتونو له خوا بې ځایه شویو فلسطینیانو ته جوړ شوی و.
نوموړي د ښوونځي له پایته رسولو وروسته د غزې په اسلامي پوهنتون کې د عربي ادبياتو په برخه کې لوړې زده کړې وکړې.
اسماعیل هنیه چې په شپاړس کلنۍ کې د خپل تره لور امال هنیه سره واده کړی و، د اته زامنو او پنځه لوڼو خاوندان شول.
هنیه له ۱۹۸۰مې لسیزې د حماس غړیتوب ترلاسه کړی و او د وخت په تېرېدو سره د دغه غورځنګ پر مهمې او اغېزناکې څېرې بدل شو.
په ۲۰۰۷ کال کې حماس د غزې کنټرول ترلاسه کړ او هنیه د لنډ وخت لپاره په غزه کې د لومړي وزیر په توګه خپل کار ته دوام ورکړ.
له هغې ورځې چې اسماعیل هنیه سیاسي فعالیتونه پیل کړل په ځلونو بندي، تبعید او ټپي شو او ان د خپلې کورنۍ غړي یې له لاسه ورکړل، خو د فلسطین د خپلواکه کېدو له مبارزې لاس پر سر نه شو.
نوموړی چې د خالد مشعل ځای ناستی و، په وروستیو کلونو کې یې په جلا وطنۍ کې له قطر څخه د دې ډلې سیاسي چارې سمبالولې او له ډېرې مودې راهیسې غزې ته نه و تللی.

ښاغلی هنیه چې په ۲۰۱۷ کال کې د حماس د سیاسي دفتر د مشر په توګه وټاکل شو، د اسراییل ملاتړي امریکا بیا هغه په ۲۰۱۸ کال کې د ترهګرو په ډله کې راوست او پر هغه یې بندیزونه ولګول.
حماس د تېر کال په اکټوبر میاشت کې تر هغه وروسته بیا ځلې د نړۍوالو رسنیو سر ټکی وګرځېد، چې یادې ډلې پر اسراییل بریدونه وکړل چې له امله شاوخوا زر اسراییلیان ووژل شول او لسګونه نور د حماس له خوا یرغمل ونیول شول.
اسراییل بیا د حماس د بریدونو په ځواب کې ځمکني او هوایي عملیات په غزې پیل کړل، چې له تېر یوه کال راهیسې نږدې ۴۰ زره فلسطینیان وژل شوي او زرګونه نور ټپيان دي.

د دغو جګړو د پایته رسولو په موخه د اسماعیل هنیه په کلیدي رول سره د مصر، قطر او د امریکا په منځګړیتوب له څو میاشتو راهیسې مذاکرات روان ول، خو دغه مذاکرات لا کومې پایلې ته نه و رسېدلي، چې نوموړی د ایران د نوي ټاکل شوي ولسمشر د لوړې په مراسمو کې د ګډون په موخه تهران ته ولاړ.

دا په ایران کې د نوموړي له وروستیو انځورونو څخه یو دی.

اسماعیل هنیه د اسراییل له تعقیبولو سره سره بالاخره نن سهار وختي په تهران کې په خپل استوګنځي کې د یوه برید له امله ووژل شو.
له دې پېښې سره حماس ډلې یوه اعلامیه خپره کړه او په ایران کې یې د نوموړي ترور تایید کړ.
د ایران دولتي رسنیو راپور ورکړی، چې د ایران د اسلامي جمهوریت رهبر علي خامنه يي به د پنجشنبې په سهار (د زمري ۱۱مه) د اسماعیل هنیه جنازه وکړي.
د دغه راپور له مخې؛ دغه جنازه به د تهران په پوهنتون کې د سهار په ۸:۳۰ بجو ترسره شي.
د اسماعیل هنیه پر وژنې د نړۍ د اسلامي هېوادونو مشرانو خپل توند غبرګون ښودلی او ویلي یې دي، چې دا پېښه د منځي ختیځ کړکېچ لا پیچلی کولی شي.

د ایران د بهرنیو چارو وزارت په ټينګار سره وویل، چې د هنیه وینه نه ضایع کیږي او د نوموړي په وژنې سره د ایران او فلسطین ترمنځ اړیکې لا پراخې شوې.

د یادولو ده، چې دغه وزارت د یوې بیانیې په خپرولو سره د «اسماعیل هنیه په وژلو کې امریکا له اسراییل سره په لاس لرلو تورنه کړې ده.

نصیري ویلي و، مخکې له دې چې لوړپوړي بهرني چارواکي ایران ته سفر وکړي، سپاه د هغه هېواد داخلي وضعیت څېړي.

د هغه په ​​وینا: «په دې څېړنو کې سپاه د هغه هېواد د داخلي ګواښونو ارزونه کوي، چې ایران ته د هغه هېواد داخلي ګواښونه تر کوم حده لیږدول کېدلی شي او زموږ په هېواد کې هغه بهرني چارواکي ګواښلی یا هم په نښه کولی شي.»

د سپاه حفاظت د هغه وخت قوماندان ټینګار کړی و، که چیرې سپاه دې پایلې ته ورسیږي، چې په ایران کې دې بهرني چارواکي ته ګواښونه شته، له دغو ګواښونو سره د مقابلې لپاره ځانګړې وړاندوینې کوي تر څو د بهرنیو چارواکو ساتنې وکړي.

له دې مرکې یو کال وروسته په ۱۳۹۸ کال کې داسې اوازې خپرې شوې، چې نصیري نیول شوی دی. نیویارک ټایمز هم په یوه راپور کې د دفاع وزارت د لسګونو کارکوونکو نیول کېدو ته په اشارې سره دا خبره تایید کړې وه.

د ۱۳۹۸ کال د وري میاشتې راهیسې، چې د نصیري د تېښتې اوازې خپرې شوې، حسین سلامي فتح الله جمیري د سپاه محافظت د قوماندان په توګه وټاکل شو.

د ساتنې بودیجه

د روان کال د چنګاښ د میاشتې په ۳۱مه نېټه، د ایران د اطلاعاتو وزیر اسماعیل خطیب وویل: «د لس چنده زېربنایي بودیجې او د ولسمشر، پارلمان او د بودیجې قانون په تعقیب سره، موږ وکولای شو چې امنیتي زېربناوې پراخې کړو او له اسراییل سره په ښه توګه مقابله وکړو.»

هغه د ۱۴۰۳ کال د زمري په درېیمه د هنیه له ترور څخه یوه اونۍ مخکې ویلي وو: « د موساد نفوذي شبکه، چې زموږ علمي شخصیتونه یې وژل یا حیاتي مرکزونه یې ورانول له منځه ولاړه.»

د ۱۴۰۲کال د بودیجې په قانون کې د اطلاعاتو وزارت بودیجه له ۱۶زرو میلیارد تومان څخه زیاته وه.

د ۱۴۰۲ کال د بودیجې په قانون کې د سپاه حفاظت بودیجه ۳۷۴/۵ میلیارده تومان په پام کې ونیول شوه.

د دې دستګاه بودیجه په ۱۴۰۱ کې شاوخوا ۳۰۶ میلیارده تومان او په ۱۴۰۰ کال کې شاوخوا ۱۵۴ میلیارده تومان وه.

د سږني کال په بودیجه کې د سپاه محافظت بودیجه ۴۳۳ میلیارده تومان ده.

په تهران کې د اسماعیل هنیه له وژل کېدو سره هغه هم د تهران په سعداباد سیمه کې چې د پزشکیان د لوړې د مراسمو پر مهال په لوړه کچه امنیتي تدابیر نیول شوي، داسې ښکاري چې لس برابره بودجه په ښکاره توګه ناکامه شوې ده.

جيونيوز د چهارشنبې په ورځ (د زمري ۹مه) په خپل خبر کې ليکلي، چې یو خبريال پر پوځ د عمران تور لګولو ته په اشارې پوښتلي، چې د پوځ پر ځای ولي له سياسي ګوندونو سره خبري نه کوې؟

د جيونيوز په خپل خبر کې د عمران له قوله ليکل شوي، چې نوموړي ویلي: «موږ پر پوځ تور نه لګوو، يوازي پرې نيوکي کوو،د پاکستان د پانګونې د اسانتیاو ځانګړې شورا څه شي ده او د کورنيو چارو وزير محسن نقوي څوک دی؟ دا خو د دوی له لوري راغلی دی.»

خبريالانو له عمران څخه پوښتلي که حکومت د پاکستان کورنيو چارو وزير محسن نقوي ته د مذاکراتو واک ورکړي تاسو خبرو ته چمتو ياست؟

نوموړي ويلي: «له محسن نقوي سره به هيڅکله خبري ونه کړي، هغه او د پنجاب د پوليسو مشر پر موږ ظلم کړی دی، مریم نواز هم فاشست ډه.»

عمران خان خبريالانو ته ويلي، چې حکومت غواړي د تحريک انصاف او پوځ ترمنځ جګړه جوړه کړي او د دوی ګوند له منځه يوسي.

تېره اونۍ د برېتانیا پولیسو د دغه ۵۷ کلن افراطي برېتانوي مبلغ د درېیو تروریستي جرمونو په تور د نیولو اعلان وکړ.

د لندن د وولویچ جرمونو محکمې هغه د منع شوي المهاجرون سازمان د رهبرۍ او د څو وروستیو بریدونو سره د تړاو په تور مجرم وګاڼه.

انجم چوهدري د جوماتونو، سفارتونو او د برېتانیا د پولیسو د دفترونو مخې ته د مظاهرو په رهبرۍ کولو سره په برېتانیا کې یو له مشهورو اسلامپالو مبلغینو څخه و.

پاکستاني الاصله اسلامپال مبلغ وروسته له هغه په ​​برېتانیا کې د خلکو پام ځانته راواړوه، چې د سپټمبر د یوولسمې د بریدونو د عاملینو ستاینه یې وکړه.

چوهدري وويل، د هغه حتمي هدف د برېتانيې د لومړي وزير د استوګنې په لس نمبر داونینګ کوڅې باندې د اسلام بيرغ پورته کول دي.