فرانسې او پاکستان د اقتصادي همکاریو پر پراختیا خبرې کړي

د ترکیې دغه امنیتي چارواکي پر اېکس خپره کړې اعلامیه کې لیکلي، چې دغه کسان د ترکیې د امنیتي ځواکونو له خوا په ۲۶ ولایتونو کې د عملیاتو په ترڅ کې نیول شوي دي.

د کورنیو چارو وزیر علي یرلیکایا د داعش وسله والو د نیولو په اړه د پولیسو د عملیاتو ستاینه کړې. هغه ویلي: "زه د دې عملیاتو د بریالیتوب له امله د ترکیې اتلو پولیسو ته مبارکي وایم، خدای دې ستاسو له مخې رڼا کړي."

علي یرلیکایا ټینګار کړی چې ترکيه به په خپله خاوره کې هیڅ ډول ترهګریز فعالیت ونه زغمي. د ترکیې د کورنیو چارو وزیر وویل: «موږ یوازې یو هدف لرو، تر څو چې وروستی ترهګر له منځه ولاړ نه شي، تر هغه به مبارزه کوو.

تر دې مخکې د ترکیې د کورنیو چارو وزیر د پنجشنبې په ورځ ویلي و، چې د ترکیې امنیتي ځواکونو په ۱۳ بېلابېلو ښارونو کې ۷۲ تنه له داعش سره د تړاو په شک نیولي دي. علي یرلیکایا ویلي، چې له مشکوکو کسانو څخه یوه اندازه پیسې او مهمات هم ترلاسه شوي دي.

د ترکیې د کورنیو چارو وزارت د مې په لومړیو کې ویلي و، چې په تېرو لسو میاشتو کې یې ۲۹۹۱ کسان له اسلامي دولت ډلې سره د تړاو په تور نیولي دي.

عبدالکبیر دغه څرګندونې تهران ته په خپل سفر کې له غزې تړانګې څخه د ملاتړ او له ایران اسلامی جمهوریت سره د همغږی په موخه کړي دي.

د انلاین خبر اژانس د طالبانو د رییس الوزرا سیاسي مرستیال عبدالکبیر په حواله لیکلي: « افغانستان د ایران اسلامي جمهوریت په ملتیا د غزې مظلومو خلکو ملاتړ کوي، که مو له اشغالګر رژیم سره ګډه پوله درلودی، نو د غزې د دفاع لپاره مو له صهیونیستانو سره جګړې ته وردانګل.»

انلاین خبر اژانس زیاتوي چې عبدالکبیر د ایران د کورنیو چارو له وزیر احمد وحیدي سره په لیدنه کې په سیمه کې د داعش د خوځښتونو په اړه خبرې وکړې او ډاډ یې ورکړ چې دغه ډله به اجازه ورنکړي چې ایران اسلامي جمهوریت د داعش له خوا د ګواښ احساس وکړي.

د طالبانو د رییس الوزرا سیاسي مرستیال وویل: "داعش په افغانستان کې ځای نه لري او زموږ پولې د داعش لپاره تړلې دي. موږ به هیچا ته اجازه ورنه کړو ،چې د افغانستان ګاونډیانو او په ځانګړې توګه د ایران اسلامي جمهوریت ته ستونزې جوړې کړي."

عبدالکبیر د دوشنبې په ورځ تهران ته تللی و چې د ایران د نوي ولسمشر مسعود پزشکیان د لوړې په مراسمو کې ګډون وکړ.

د راپورونو له مخې د ایران د کورنیو چارو وزیر احمد وحیدي په تهران کې د طالبانو د یو پلاوي کوربه و او له عبدالکبیر سره یې د ایران او افغانستان پر اړیکو خبرې کړې دي.

د ایران د بهرنیو چارو مرستیال وزیر رسول موسوي د دوشنبې په ورځ ویلي و، چې له طالبانو سره د اړیکو اداره کول په ډیپلوماټیکو اړیکو کې د سیاسي مدیریت تر ټولو ستونزمن او پیچلی ډول دی.

د پنجاب صوبې چارواکو د جمعې په ورځ رویټر ته ویلي، لاهور کې ۴۴ کاله وروسته بیا د ډېر ورښت ریکارډ مات شو.

د دوی په خبره، دې ورښت کې تر شپږو کسان لاهور کې مړه شوي دي.

د پنجاب ګاونډ ته په پښتونخوا کې هم د وروستي ورښت له امله د دوولسو ماشومانو په ګډون تر څلرویشتو کسانو خپل ژوند له لاسه ور کړی دی.

ملګري ملتونه او نړیوالې ادارې اکستان د سختې هوا او اقلیمي بدلون له امله ډېر زیانګالی هېواد بولي.

پر ۲۰۲۲ کال هم دغه هېواد کې د ورښت له امله ۱۷ سوه کسان مړه او په میلیونونو بې ځایه شول.

سوېلي اسیا کې د موسمي باران او ځمک ښویېدو له امله د پاکستان ګاونډي هند کې هم تېرو ورځو کې ۱۹۵ کسان مړه او تر دوو سوو ورک شول.

داسې انګیرل کیږي، چې ضعیف د اکټوبر په اوومه د سوېلي اسراییل د برید یو له طراحانو څخه و، چې پر فلسطین د پراخ اسراییلي بریدونو او جګړې لامل شو.

د اسراییلو ځواکونو اعلان کړی، چې د جولای په ۱۳ د اسراییل پوځي الوتکو د خان یونس په سیمه کې برید کړی و او د یوې استخباراتي ارزونې وروسته، دا تایید کېدی شي، چې محمد ضعیف په دغه برید کې له منځه تللی دی.

حماس د ضعیف وژنه نه تایید کړې او نه یې رد کړې؛ خو د دغې ډلې یو چارواکي عزت رشاق ویلي، چې د دوی د مشرانو د وژنې په اړه هر ډول څرګندونې یوازې د دوی مسوولیت دی.

رشاق وویل: «تر څو چې دوی (د حماس سیاسي او پوځي مشرتابه) دا اعلان ونه کړي، په رسنیو کې خپاره شوي خبرونه او یا کوم بل اړخ دغه ډول خبرونه نه شي تاییدولی.»

د اسراییل دا اعلان په داسې حال کې شوی چې د ایران په پلازمینه کې د حماس د سیاسي مشر اسماعیل هنیه د جنازې په مراسمو کې ګڼ شمیر خلک راټول شوي دي.

ايران او حماس د هنيه د وژنې پړه پر اسرايیل اچولې؛ خو اسراییل بیا نه په دغه وژنه کې لاس لرل رد کړي او نه يې هم تاييد کړي دي.

اسراییل د سې شنبې په ورځ په بیروت کې د لبنان د حزب الله غورځنګ یو جګپوړی قوماندان هم وژلی دی.

حزب الله او حماس د ایران ملاتړې ډلې دي.

وروستي وژنو په منځني ختیځ کې د جګړې د لا زیاتوالي اندیښنه راپارولې ده.

ایران ویلي، چې سیمه ییز جګړه نه غواړي؛ خو هر برید ته به په کلکه ځواب ورکړي.

د ماشومانو د ملاټړ او د روغتیا نړۍوال سازمان د پنجشنبې په ورځ (د زمري ۱۱مه) د «د مور د شیدو ورکولو نړۍوالې اونۍ » په مناسبت د احصایې په خپرولو سره وویل، چې د مور د شیدو ورکولو د کچې لوړېدل کولای شي په کال کې د څه باندې ۸۲۰زره ماشومانو ژوند وژغوري.

د يادو بنسټونو په ګډه اعلاميه کې راغلي، چې د مور په شيدو کې موجود انټي باډي د ماشومانو له ناروغۍ او مرګ څخه د ژغورولو ترڅنګ ميندو کې د سرطاني او غير ساري ناروغيو خطر هم کموي.

په دغه اعلاميه کې راغلي، چې د نړۍ له نيمايي څخه زيات نفوس، يعنې په نړۍ کې څلور نيم ميليارده وګړي له لازمو روغتيايي خدمتونو بې برخې دي او له همدې امله په نړۍ کې زياتې ښځې خپلو ماشومانو ته د شيدو ورکولو توان نه لري.
دغه سازمانونه وايي؛ اوس مهال یوازې نیمایي هېوادونه د مور د شیدو د کچې په اړه معلومات راټولوي. د ملګرو ملتونو د بنسټونو په وینا، د روغتیایي نابرابرۍ پر وړاندې د سمو معلوماتو راټولول د کورنیو له خوا د میندو د ملاتړ د کچې په پوهاوې کې مرسته کوي.

د روغتیا نړۍوال سازمان او یونیسف ټینګار کړی، چې کورنۍ، ټولنې، روغتیايي کارکوونکي، پالیسي جوړونکي او نور چارواکي باید د شیدو ورکوونکو میندو د ملاتړ په برخه کې خپل ګډ مسوولیت ترسره کړي.