ډونالډ ټرمپ: که کماله هرېس ټاکنې وګټي، نو اسراییل به ختم شي
د امریکا پخوانی ولسمشر او د ولسمشریزو ټاکنو نوماند ډونالډ ټرمپ اسراییلي رای ورکوونکو ته خبرداری ورکړی، که کماله هرېس ټاکنې وګټي؛ نو اسراییل به ختم شي.
د امریکا پخوانی ولسمشر او د ولسمشریزو ټاکنو نوماند ډونالډ ټرمپ اسراییلي رای ورکوونکو ته خبرداری ورکړی، که کماله هرېس ټاکنې وګټي؛ نو اسراییل به ختم شي.
هغه په لاس ویګاس کې یوې غونډې ته د وینا پر مهال وویل، که دا ځل ټاکنې وګټي؛ نو د غزې د کډوالو پر بیا مېشتولو به بندیز ولګوي او د حماس هغه پلویان به ونیسي، چې امریکايي پوهنځي یې ویجاړ کړي دي.له بل پلوه د روسیې ولسمشر ولادیمیر پوتین په یوې غونډه کې ویلي، بایډن له خپلو پلویانو غوښتي چې د کماله هرېس ملاتړ وکړي، موږ به یې هم ملاتړ وکړو.هغه په ټوکې سره وویل:« کماله هرېس داسې خاندي، لکه هر څه چې سم دي.»
هغه وایي، ټرمپ د امریکا د ټولو ولسمشرانو پرتله پر روسیې زیات بندیزونه لګولي دي؛ که کماله هرېس راشي، ښايي د ټرمپ په څېر کار ونه کړي.
هغه وویل، چې د امریکا خلک به خپل ولسمشر وټاکي او موږ به د امریکا د خلکو ارادې ته درناوی وکړو.
له بلې خوا د پوتین د څرګندونو په اړه امریکا د روسیې ولسمشر ته سپارښتنه کړې، چې د ولسمشرۍ د ټاکنو په اړه له تبصرو ډډه وکړي.
د سپینې ماڼۍ ویاند جان کربي بیا د پوتین د څرګندونو په غبرګون کې ویلي، ولسمشر پوتین باید د دوی د ټاکنو په اړه خبرې بندې کړي او په هېڅ توګه له هیچا ملاتړ ونه کړي.
