د "ټیلیګرام" اجرایوي مشر د هغه په ​​​​وړاندې تورونه ناسم وبلل

همدا راز واشنګټن کییف ته د ۲۵۰ میلیون ډالرو په ارزښت د نورو وسلو ژمنه کړې.

زلېنسکي د جرمني په رامسټین هوايي اډه کې د امریکا په کوربه توب د اوکراین د متحدینو په یوې غونډه کې د لومړي ځل لپاره ښکاره شو او له متحدینو یې د روسیې پر خاوره د اوږده واټن وشتنې وسلو د کارولو غوښتنه وکړه. هغه دا کار د یوې بلې حل لارې په توګه وړاندې کړ چې پر روسیې فشار راوړي تر څو جګړه پای ته ورسوي.

زلېنسکي وویل: «موږ د اږد واټن ویشتونکو وسولو د کارولو وړتیا یوازې د اوکراین په نیولو شویو سیمو کې نه غواړو، موږ یې د روسیې خاورې دننه هم غواړو. هو، ترڅو روسیه سولې ته وهڅول شي.»

زلېنسکي د جمعې په ورځ په رامسټین کې په خپلو څرګندونو کې وویل: "د سرو ګرښو د رامنځ ته کولو لپاره د روسیې هڅې پایله نه ورکوي.»

دا په داسې حال کې ده، چې امریکا د نومبر په میاشت کې د جمهوري ریاست د ټاکنو لپاره تیاری نیسي چې کیدای شي د اوکراین لپاره سترې اغیزې ولري. د ډیموکراټانو کاندیدې کمالا هریس ژمنه کړې چې له اوکراین سره به ودریږي.

بل خوا، پخوانی ولسمشر ډونالډ ټرامپ چې د جمهوري غوښتونکو نوماند دی، ژمنه کړې، چې د اوکراین جګړه به سمدستي د سولې د احتمالي خبرو اترو سره حل کړي.

د پاکستان ځینو امنیتي سرچېنو هم د برید منښته کړې او ویلي یې دي، چې دوی تر دې مهاله دوه ځانمرګي بریدګر وژلي دي.
دغه برید چې نن سهار د ملا اذان سره سم د پوځ پر یوې اډې پیل شوی په کې له سپکو او درنو وسلو کار اخیستل شوی او د دواړو خواو تر منځ جګړه لا هم روانه ده.
د مومندو ولسوالي د ډیورنډ په فرضي کرښه د کونړ ولایت سره نږدې پرته ده.

په دغې ولسوالۍ کې لا له وړاندې د ټي‌ټي‌پي سره تړلې د جماعت الاحرار ډله پراخ فعالیتونه لري.
د جماعت الاحرار ډلې مشري پخوا د عمر خالد خراساني په غاړه وه، چې دوه کاله مخکې ووژل شو.

د هغه له وژلو وروسته په مومندو ولسوالۍ کې تر یوه بریده کراري وه؛ خو په دې وروستیو کې په یادې ولسوالۍ کې هم وسله‌وال خوځښتونه زیات شوي او ټوله سیمه ورسره ناکراره شوې ده.
په سیمه کې ځايي خک وايي، له دغې پوځي اډې لا هم لوګي او لوخړې پورته کېږي او د ډزو اوازونو هم تر لرې سیمو اورېدل کېږي.

دغه نوې څېړنه چې د روغتیا نړۍوال سازمان په ملاتړ د «انوایرونمنت انټرنشنل » مجله کې خپره شوې، د ۱۹۹۴ او ۲۰۲۲کلونو ترمنځ د نړۍ په ۲۲هېوادونو کې تر ۵زرو ډېرې مطالعې څېړلي دي.

د اسټرالیا د وړانګو د ساتنې او اټومي خوندیتوب ادارې، د دې څیړنې د مسؤل په توګه، له ذکر شویو مطالعاتو څخه د لږ اعتبار نمونو په لرې کولو سره، ۶۳ موارد یې د څیړنې د مرجع په توګه ټاکلي دي.

د دې څیړنې د سرپرست پروفیسور کن کارپیدیس په وینا، د ګرځنده ټلیفون تشعشعاتو او د دماغ سرطان یا حتی د سر او غاړې سرطان ترمنځ هېڅ اړیکه نشته.

همدا راز، د دې څیړنې تکمیلې پایلې دا څرګندوي، چې د ګرځنده ټلیفون اوږدمهاله کارونه (لس کاله یا ډېر) او یا د ورځې په اوږدو کې د ګرځنده ټلیفون استعمال له سرطان سره هېڅ اړیکه نه لري.

د دې څېړنو لیکوالانو ویلي، چې پر روغتیا د ټلیفون د استعمال د اغیزو په اړه دا په تاریخ کې تر ټولو «جامع څیړنه» ده.

دغه څیړنه د مرکزي عصبي سیسټم (د مغز، د مغز او نخاع پردې، د هیپوفیز غدې او غوږ په شمول) او د بزاقي غدو او مغزي تومورونو، پورې اړوند سرطانونو باندې تمرکز کوي.

د ملګرو ملتونو د نړۍوالې روغتیا سازمان، د ګرځنده ټلیفون راډیو فریکونسیانې په ۲۰۱۱ کال کې د مغزي سرطانونو د احتمالي لامل په توګه طبقه بندي کړې وې.

خو اوس ساینسپوهان په دې برخه کې، پخوانۍ څېړنې جانبداره بللې او پایلې یې ناسمې ګڼي.

د ناټو سرمنشي ینس سټولټنبرګ ویلي، چې اوکراین له ځانه د دفاع حق لري او کولای شي د روسیې په خاوره کې پر پوځي اهدافو د اوږد واټن ویشتونکي توغندي وکاروي.

رویټرز د خپلو سرچینو په حواله راپور ورکړی، چې متحده ایالات له اوکراین سره یوې موافقې ته نږدې شوي چې کییف ته د اوږد واټن ویشتونکي توغندي واستوي.

د روسیې د بهرنیو چارو وزیر سرګي لاوروف ویلي، چې امریکا د مسکو سره کرښه د ټوکې په توګه نیولې ده.

ستولتنبرګ وویل؛ د اوکراین پر خاوره د روسیې د برید په ترڅ کې د لویدیځو وسلو د کارولو محدودیتونه نرم شوي او د ناټو غړي هېوادونه له دې پرېکړې خوښ دي.

د ناټو عمومي منشي وویل: "یوازې اوکراینیان کولی شي هغه ستونزمن انتخابونه وکړي چې اړتیا ورته وي، په شمول د خپلو ځواکونو ځای پرځای کول او په دې شرایطو کې کوم ډول جګړه مناسبه ده."

د اوکراین په ختیځ کې روسي ځواکونه ورو - ورو پرمختګ کوي.

اوکرایني ځواکونو د روسیې په کورسک سیمه کې یو شمېر سیمې تر خپل کنټرول لاندې راوستي دي.

داسې ښکاري؛ اوکراین پلان لري چې د مسکو سره په راتلونکو خبرو کې د روسیې د اشغال شوې برخې څخه د معاملې وسایلو په توګه کار واخلي.

د جرمني د شپیګل ورځپاڼي په وینا؛ د اوکراین ولسمشر ولادیمیر زېلینسکي به د جمعې په ورځ د رامشټین ګروپ په غونډه کې ګډون وکړي، چې اوکراین ته وسلې ورکوي.

هغه به د لا زیاتو وسلو، په ځانګړې توګه د لرې واټن ویشتونکو توغندیو د زیاتولو غوښتنه وکړي. زېلینسکي په لویدیځو هېوادونو غږ کړی، چې د روسیې د هوايي بریدونو پر وړاندې مبارزه کې له اوکراین سره مرسته وکړي او د روسیې په خاوره کې د لویدیځو وسلو په کارولو بندیزونه لرې کړي.

ځینې لویدیځ هېوادونه اندېښنه لري، چې د روسیې په خاوره کې د دې وسلو د کارولو لپاره د شرایطو لرې کول ممکن د ناټو غړي د مسکو سره جګړې ته اړ کړي.

علي اکبریان اذر د پنجشنبې په ورځ ایراني رسنیو ته وویل، چې نیول شوي کسان د دوسیې له ثبتولو وروسته عدلي او قضايي ارګانونو ته پیژندل شوي دي.

دغه ایراني چارواکي د هېواد له اتباعو هم وغوښتل، د هغو کارونو په اړه چې کډوال په ځانګړې توګه افغانان پکې ګمارل کیږي په اړه یې پولیسو ته خبر ورکړي.

ایراني چارواکي په عمومي ډول د افغان کډوالو لپاره د «بې اسناده اتباعو» اصطلاح کاروي.

تر دې مخکې د ایران د کورنیو چارو وزیر سکندر مومني د پنجشنبې په ورځ (د وږي ۱۵مه) وویل، چې په دغه هېواد کې د افغانانو د تنظیم لپاره به هر اړخیز پلان ډېر ژر ترتیب او عملي شي. مومني وويل: "دغه بشپړ پلان به د يو مناسب پروګرام او سيمه ييزو او ګاونډيو ملحوظاتو په پام کې نيولو سره پلي شي."

په افغانستان کې د طالبانو له واکمنۍ وروسته ډېری افغانان ګاونډیو هېوادونو په ځانګړې توګه ایران ته کډه شوي دي.

د دغو مهاجرینو یوه برخه د پخواني حکومت کارکوونکي او سرتېري دي، چې د طالبانو له وېرې ایران ته تښتیدلي دي.

دا په داسې حال کې ده، چې د ایران حکومت په وروستیو میاشتو کې د افغان کډوالو د نیولو او شړلو لړۍ چټکه کړې او د اوسېدو له اسنادو پرته افغانان افغانستان ته ستنوي.

د طالبانو د کډوالو وزارت د معلوماتو له مخې؛ هره ورځ لسګونه کورنۍ د ایران له پولې افغانستان ته ستنیږي.