ملاله یوسفزۍ: د غزې جګړه دې ژر تر ژره ودرول شي او اسراییل یې باید په اړه حساب ورکړي

په یوه بیان کې ملالې یوسفزۍ ویلي، چې په غزه کې پر ښوونځیو د اسراییل روان بریدونه ډېر وحشتناک دي.
هغې زیانه کړې، چې په زرګونو بې ځایه شویو خلکو په دغو ښوونځیو کې پناه اخیستې ده.
د ملالې په خبره، د اسراییل په بریدونو کې د ملګرو ملتونو مرستندویه کارکوونکي هم وژل کېږي، ښوونځي او د بشري مرستو کارکوونکي باید هېڅکله په نښه نه شي.
ملالې یوسفزۍ غوښتنه کړې، چې په غزه کې دې جګړه په سملاسي توګه ودرول شي او اسراییل دې د نړۍوالو قوانینو د سرغړونو حساب ورکړي.
له بل پلوه حماس ویلي، چې په مذاکراتو کې به هیڅ یو نوی شرط ونه مني.
تسنیم خبري اژانس تېره ورځ خبر ورکړی و، چې حماس ډله د اوربند په اړه د جولای د دویمې نېټې ټولو وړاندیزونو ته ژمنه ده.
دغې ډلې په ټینګار سره ویلي، چې په دې برخه کې به هیڅ کوم نوی شرط ورته د منلو نه وي او په هرې هوکړه کې باید دایمي اوربند او له غزې څخه په بشپړه توګه د اسراییلي پوځیانو وتنه شامله وي.