د اسراييل پوځ د شنبې په ورځ ويلي، چې د حزب الله مشر سید حسن نصرالله یې د بيروت په جنوبي څنډه کې، د دې ډلې پر مرکزي دفتر په يوه هوایي بريد کې وژلی دی.
د ایران له ملاتړه برخمنه حزب الله ډله چې له تېرو ۳۲ کلونو یې نصر الله مشري کوي تر اوسه د هغه د وژنې په اړه څه نه دي ویلي.
له څو لسيزو را هیسې د نصر الله په مشرۍ حزب الله ډله په سيمه ییز ځواک بدله شوې، چې په منځني ختيځ کې د تهران نفوذ ښيي.
د ایران سپاه پاسداران یا انقلابي ګارډ په ۱۹۸۲ کال کې دغه ډله جوړه کړه.
د نصرالله مړينه به د حزب الله ډلې ترڅنګ ایران ته هم لويه ضربه وي.
د اسراييل د پوځ ویاند پر اېکس پاڼه ليکلي: « د حزب الله ترهګريز سازمان مشر حسن الله يې له منځه وړی دی.»
هغه زیاته کړې، چې د حزب الله یو بل جګپوړی مشر علی کراکي هم وژل شوی دی.
د اسراییل پوځ په یوه جلا پوسټ کې ویلي: «حسن نصرالله نور نه شي کولای چې نړۍ ترور کړي.»
د حزب الله د قوماندې په مرکز باندې د جمعې د ورځې تر بريد وروسته د شنبې په ورځ نورو هوايي بریدونو د اسراییل او سخت دریځې وسله والې ډلې حزب الله ترمنځ جګړه نوره هم زیاته کړې.
دې شخړې دا اندیښنې زیاتې کړې، چې سیمه به په پراخه جګړه کې ښکیله شي.
د اسراییل پوځ ویلي، دقیق هوايي برید یې په داسې حال کې کړی، چې د حزب الله مشرتابه د بیروت په جنوب کې په داحیه کې د دوی په مرکزي دفتر کې غونډه کوله.
سید حسن نصرالله څوک دی؟
د ۶۴ کلن سید حسن نصرالله په مشرۍ حزب الله له اسراييل سره جګړې کړې او په سوريه کې يې په جګړو کې برخه اخيستې ده.
کارېزماتیک او هوښيار ستراتيژيسټ سید حسن نصرالله حزب الله د اسراییل په يوه دښمن بدله کړه.
نوموړي په ایران کې د شعيه مذهبي مشرانو او د حماس په څېر د فلسطيني وسله والو ډلو سره اتحاد ټينګ کړ.
لبناني شيعه پيروانو او په ټوله عربي او اسلامي نړۍ کې ميليونو کسانو نصرالله ته درناوی درلود.
په امريکا او لويديځ کې نصرالله او حزب الله ته د افراطيت او يو خطر په سترګه کتل کيږي.
سره له دې چې د نصرالله ډله په لبنان کې په واک کې شریکه ده، خو نوموړي په تیرو کلونو کې د اسراییل د وژنې له ویرې تر ډیره حده په پټه ژوند کاوه.
سید حسن نصرالله څنګه واک ته ورسید؟
نصرالله په ۱۹۶۰ کال کې د بيروت په بې وزله شمالي ښار شارشبوک کې په يوه بې وزله شيعه کورنۍ کې زېزېدلی او وروسته یې کورنۍ جنوبي لبنان ته تللې.
نوموړي د حزب الله له بنسټ ايښودولو مخکي د شيعه سیاسي او نيمه نظامي سازمان امل غورڅنګ سره یو ځای وو.
حزب الله د ایران د سپاه پاسداران یا انقلابي ګارډ د غړو له خوا جوړه شوه، چې د ۱۹۸۲ کال په دوبي کې د نیواکګرو اسراییلي ځواکونو سره د مبارزې لپاره لبنان ته راغلي وو.
حزب الله لومړنۍ ډله وه، چې ایران یې ملاتړ وکړ او د خپل سياسي اسلام د صادرولو لپاره یې د يوې وسیلې په توګه وکاروله. له هغه وروسته چې ۳۹ کلن سید عباس موسوي د لبنان په جنوب کې د اسراییل په هوايي بريد کې ووژل شو، حزب الله د ۱۹۹۲ کال په فيبوري مياشت کې نصرالله د خپل سرمنشي په توګه وټاکه.
پنځه کاله وروسته امریکا حزب الله یو تروریستي سازمان اعلان کړ.
د نصرالله په مشرۍ حزب الله ته د غچ اخيستني د جګړې مشري ورکول سوه، چې په نتیجه کې یې له ۱۸ کلن اشغال وروسته په ۲۰۰۰ کال کې له جنوبي لبنان د اسرایيل ځواکونه ووتل.
په ۲۰۰۰ م کال کې د سويلي لبنان څخه د اسراييل ځواکونو له وتلو وروسته نصرالله په لبنان او ټوله عربي نړۍ کې د پام وړ حيثيت پيدا کړ او پیغامونه یې د حزب الله په راډيو او سټلايټ ټلويزيون کې خپرېدل.
دا دریځ هغه وخت نور هم پیاوړی شو کله، چې په ۲۰۰۶ کال کې حزب الله له اسراییلو سره د ۳۴ ورځنۍ جګړې په ترڅ کې مقابله وکړه.
کله چې په ۲۰۱۱ کې د سوریې کورنۍ جګړه پیل شوه، د حزب الله جنګیالي د بشار الاسد له ځواکونو سره یوځای شول.
په اوسنۍ جګړه کې د حسن نصرالله رول
یوه ورځ وروسته له هغه، چې د اکټوبر په اوومه د اسراییل او حماس ترمنځ جګړه پیل شوه، حزب الله د غزې په پوله کې د اسراییل پر پوځي پوستو بریدونه پیل کړل، چې د غزې لپاره د «بشپړ جبهې» په نوم یادیږي.
د جګړې پر مهال دوی استدلال کاوه، چې د حزب الله له پولې هاخوا بريدونو د اسرایيلي ځواکونو د دې ګام مخه نیولې، چې په غزه کې پر حماس تمرکز وکړي.
نصرالله ټينګار وکړ، چې حزب الله به په غزه کې د اوربند تر پیلېدو پوري پر اسراییل بريدونه وکړي.
اسراییل په شخړه کې یو نوی پړاو اعلان کړ، چې موخه یې له پولې د حزب الله شاته کول و، ترڅو د شمالي اسراییل څخه زرګونه بې ځایه شوي بیرته خپلو سیمو ته ستانه شي.
اسراییل د دې ډلې د لوړ پوړو پوځي قوماندانانو د وژلو لپاره بریدونه پیل کړل او د زرګونو مخابراتي وسایلو پر چاودلو هم تورن دی چې د حزب الله د غړو لخوا کارول کېدل.
په دې بريدونو کې ۳۷ کسان ووژل شول او په زرګونه نور ټپيان شول.
په یو بل مکتوب چې افغانستان انټرنشنل ترلاسه کړی، د طالبانو د برېښنا د عمومي رییس عبدالباري عمر په امر ،د دې شرکت د بشري منابعو د رییس په لاسلیک د ضیاالحق په نوم یو ملا چې له مدرسې فارغ دی او هېڅ تعلیمي اسناد نه لري، د پخواني حکومت د یو کارمند پر ځای ګومارل شوی، چې هغه مسلکي انجنیر و.
خو د طالبانو مشر ملا هبت الله په یوه ځانګړي فرمان کې له برېښنا شرکت غوښتي چې د پنځم بست نه ښکته په دغه اداره کې کسان «د امارتي شرکتونو د لوی ریاست د استازي په حضور کې د ازاد رقابت له لارې وګمارئ.»
په دغه فرمان کې راغلي «له پنځم بست نه پورته بستونو کې ګمارنې د برېښنا شرکت پورې اړه نه لري او نه هم د امارتي شرکتونو لوی ریاست ته له وړاندیز پرته بره ګمارنې کولی شئ.»
د اسنادو پر بنسټ د طالبانو تر واک لاندې د افغانستان شرکت رییس عبدالباري عمر نه یوازې د ملا هبت الله فرمان تر پښو لاندې کړی بلکې د دې ډلې د امارتي شرکتونو عمومي ریاست حکم یې هم نه دی عملي کړی.
نوموړي له پنځمو بستونو ښکته بستونو کې هم له ازاد رقابت نه پرته او نا مسلکي کسان ګمارلي او دې یې سره په خپل سر ګمارنې کړې دي او د مدرسو ملایان یې ټاکلي دی.
د افغانستان برېښنا شرکت کې سرچینو افغانستان انټرنشنل ته وویل، ځیني مسلکي کسان چې د پخواني حکومت څخه یې په دغه اداره کې کار کاوه له دندو یې شړلي دي او دا بهیر هره ورځ ادامه لري.
ډیری کتوونکي په دې باور دي، چې د طالبانو د لومړي مشر ملا عمر په پرتله د دې ډلې د اوسني مشر ملا هبت الله ډيری فرمانونه نه عملي کیږي او یوازې د کاغذ پرمخ پاتې دي.
د اسراییل پوځ وایي، چې د جمعې په ورځ یې په بیروت کې د حزب الله مشر حسن نصرالله په یوه برید کې وژلی دی.
د پوځ ویاند ډیویډ ابراهام اې اېف پي اژانس ته منلې، چې د حزب الله مشر د جمعې په ورځ د لبنان په پلازمینه کې د دوی په بریدونو کې وژل شوی دی. حسن نصرالله له درېیو لسیزو راهیسې د حزب الله مشري کوله. خو حزب الله لا په دې تړاو څه نه دي ویلي. اکسیوس خبري اژانس د اسراییلي سرچینې په حواله ویلي و، چې د حزب الله مشر سید حسن نصرالله د برید موخه وه.
تر دې وړاندې حزب الله ته یوې نږدې سرچینې رویټرز خبري اژانس ته ویلي و، چې نصرالله ژوندی دی او د ایران تسنیم خبري اژانس هم ویلي و، چې هغه خوندي دی. یوه جګپوړي ایراني امنیتي چارواکي هم رویټرز ته ویلي و، چې تهران د هغه وضعیت څاري. له بل پلوه نیویارک ټایمز له پنځو اسراییلي امنیتي چارواکو له خولې راپور ورکړی و، چې د لومړنیو مالوماتو له مخې په دغه برید کې حسن نصرالله وژل شوی دی.
د اسراییل رسنۍ د خبر له مخې، د حسن نصرالله لور زینت نصرالله د جمعې د ورځې په هغه برید کې وژل شوې، چې د لبنان په سویل د ضاحیه سیمه کې د حزب الله د سازمان پر ودانۍ تر سره شو.
تر دې وړاندې د اسراییل یوې رسنۍ ویلي و، د حسن نصرالله لور زینت نصرالله د جمعې د ورځې په هغه برید کې وژل شوې، چې د لبنان په سویل د ضاحیه سیمه کې د حزب الله د سازمان پر ودانۍ تر سره شو.
د اسراییل پوځ وایي، چې د جمعې په ورځ یې په بیروت کې د حزب الله مشر حسن نصرالله په یوه برید کې وژلی دی.
د پوځ ویاند ډیویډ ابراهام اې اېف پي اژانس ته منلې، چې د حزب الله مشر د جمعې په ورځ د لبنان په پلازمینه کې د دوی په بریدونو کې وژل شوی دی. حسن نصرالله له درېیو لسیزو راهیسې د حزب الله مشري کوله. خو حزب الله لا په دې تړاو څه نه دي ویلي. اکسیوس خبري اژانس د اسراییلي سرچینې په حواله ویلي و، چې د حزب الله مشر سید حسن نصرالله د برید موخه وه.
تر دې وړاندې حزب الله ته یوې نږدې سرچینې رویټرز خبري اژانس ته ویلي و، چې نصرالله ژوندی دی او د ایران تسنیم خبري اژانس هم ویلي و، چې هغه خوندي دی. یوه جګپوړي ایراني امنیتي چارواکي هم رویټرز ته ویلي و، چې تهران د هغه وضعیت څاري. له بل پلوه نیویارک ټایمز له پنځو اسراییلي امنیتي چارواکو له خولې راپور ورکړی و، چې د لومړنیو مالوماتو له مخې په دغه برید کې حسن نصرالله وژل شوی دی.
د اسراییل رسنۍ د خبر له مخې، د حسن نصرالله لور زینت نصرالله د جمعې د ورځې په هغه برید کې وژل شوې، چې د لبنان په سویل د ضاحیه سیمه کې د حزب الله د سازمان پر ودانۍ تر سره شو.
تر دې وړاندې د اسراییل یوې رسنۍ ویلي و، د حسن نصرالله لور زینت نصرالله د جمعې د ورځې په هغه برید کې وژل شوې، چې د لبنان په سویل د ضاحیه سیمه کې د حزب الله د سازمان پر ودانۍ تر سره شو.
