ترکیه پر لبنان د اسراییل ځمکنی برید بې قانونه او نیواکګري بولي
د ترکیې بهرنیو چارو وزارت نن یوه بیانیه کې پر لبنان د اسراییل ځمکنی برید بې قانونه او نیواکګر ګام وباله.
د ترکیې بهرنیو چارو وزارت نن یوه بیانیه کې پر لبنان د اسراییل ځمکنی برید بې قانونه او نیواکګر ګام وباله.
ترکیه وايي، تل ابیب په دغه ګام سره د لبنان پر ځمکنۍ بشپړتیا تېرې کړی او باید له دغه هېواد د خپلو ځواکونو سملاسي اېستلو سره دا عملیات ودردوي.
په بیانیه کې راغلي چې په دغه یرغل سره د سیمې امن او ټیکاو هم په نښه شوی دی او ډېر امکان شته چې د جګړې له امله د کډوالو نوې څپه پیل شي.
دغه وزارت د ملګرو ملتونو له امنیت شورا هم غواړي چې د نړیوالو حقونو د پرځایښت لپاره لازم ګاومونه پورته کړي.
د ترکیې ولسمشر رجب طیب اردوغان هم تر دې مخکې ویلي و، که د ملګرو ملتونو امنیت شورا پر لبنان او غزه د اسراییل د بریدونو مخه ونه نیسي، نو د دې سازمان عمومي جرګه باید د ۱۹۵۰ کال د پرېکړه لیک له مخې د دې بریدونو د مخنیوي لپاره زور ته لاس واچوي.
