اسماعیل قااني ژوندی دی خو تر پوښتنو ګرویږنو لاندې دی

د چین د بهرنیو چارو وزارت یوې ویاندې ماونینګ وایي، دوی د هغو رپوټونو په اړه خبر نه دي، چې پاکستان د شانګهای د همکاریو سازمان د راتلونکې اونۍ غونډې په درشل کې د چینايي وګړو تحرکات محدود کړي.

د اکتوبر پر شپږمه د پاکستان کراچۍ هوايي ډګر ته څېرمه د تېلو په یوه ټانکر کې د چاودنې له امله دوه چینایان ووژل شول او لس نور ټپیان شول.

په پاکستان کې د چین سفارت دغه برید ترهګریزه کړنه وبلله او ویې وویل، چې وژل شویو چینايي انجنیرانو په سند ایالت کې د برېښنا پر یوې پروژې کار کاوه.

رویټرز د یوې باخبرې سرچینې له خولې ویلي، تمه کیږي چې د امریکا د ولسمشر مرستیاله کمالا هرېس به هم له نتنیاهو سره د بایډن په ټېلیفوني خبرو کې برخه واخلي.

د اسراییل د دفاع وزیر دفتر وویل، چې یواو ګالانت متحده ایالاتو ته خپل سفر چې ټاکل شوې وه، د سې شنبې په ورځ ترسره شي، د نتنیاهو او بایډن تر منځ د خبرو لپاره وځنډاوه.

دغه دفتر وویل، چې نتنیاهو امریکا ته د ګالانت سفر منظور کړی و؛ خو د لومړي وزیر په غوښتنه یې سفر وځنډول شو.

نتنیاهو ته نږدې چارواکو د اسراییل کان شبکې ته ویلي، چې نتنیاهو هېڅ سفر نه دی لغوه کړی ځکه چې هغه هېڅکله تایید نه دی.

هغوی وویل: «ګالانت پرېکړه کړې وه، چې په خپله خوښه امریکا ته سفر وکړي.»

اکسیوس راپور ورکړی و، چې نتنیاهو لا دمخه پوهېده چې هغه به د چهارشنبې په ورځ له بایډن سره خبرې وکړي، مګر له یواو ګالانت سره یې د یوې شخړې وروسته، هغه ته وویل چې هغه به امریکا ته سفر تر هغه وخته پورې لغوه کړي چې بایډن ټېلیفوني اړېکه ونیسي.

دا اقدام په داسې حال کې ترسره کیږي، چې د حزب الله وسله والې ډلې پر وړاندې د اسراییل بریدونو له زیاتېدو سره د دغو اتباعو د امنیت په اړه وېره زیاته شوې وه.

د ترکیې د بهرنیو چارو وزارت تېره ورځ (د تلې ۱۷مه) ویلي وو، چې ۲ زره ترکان به د سمندر له لارې له لبنان څخه وایستل شي.

همدا راز، دغه ترکي اتباع په لبنان کې له اقتصادي ستونزو سره مخ وو.

ترکیې بېړیو لومړی په بیروت کې د بشري مرستو بارونه کښته کړل.

د ترکیې د دفاع وزارت وویل، چې دغو کښتیو شاوخوا ۳۰۰ ټنه بشري مرستې ورسولې.

اسټرالیا، بلجیم، برازیل، چین، کاناډا، قبرس، ډنمارک، فرانسه، جرمني، یونان، اېټالیا، جاپان، هالنډ، پولنډ، پرتګال، رومانیا، روسیه، سلواکیا، سوېلي کوریا، اسپانیا، انګلستان، پاکستان او امریکا هغه هېوادونه دي، چې ځینو یې خپل وګړي له لبنانه ایستلي او ځینې نور یې د خپلو وګړو د ایستلو هڅه کوي.

په ورته وخت کې د اسراییل دفاع وزیر وايي، داسې ښکاري چې په وروستیو بریدونو کې د حزب الله د پخواني مشر حسن نصرالله ځایناستی هاشم صفی الدین وژل شوی وي.

د حزب الله مرستیال مشر نعیم قاسم په یوه ټلویزیوني وینا کې وویل، چې د اوربند د ټینګولو لپاره د هلو ځلو ملاتړ کوي.

هغه د لومړي ځل لپاره د جګړې درولو لپاره په غزه کې د اسراییل د بریدونو پای ته رسول د مخشرط په توګه وړاندې نه کړل.

نعیم قاسم په خپلو خبرو کې وویل، چې «د جګړې درېدو د تضمین لپاره د لبنان د پارلمان رییس نبیه بريد هڅو ملاتړ کوي».

ټاکل شوې وه، چې هاشم صفی الدین د حسن نصرالله ځایناستی شي.

د اسراییل دفاع وزیر یواو ګالانټد اسراییل شمال قوماندانۍ پوځي افسرانو ته په یوه ویډیويي پیغام کې د حزب الله پر پټنځایونو هوايي بریدونو ته په اشارې ویلي چې « حزب الله بې مشره ډله ده،نصرالله ووژل شو او احتمالا ځایناستی یې هم له منځه وړل شوی دی».

هغه له جزئیاتو پرته وویل، «څوک نشته چې تصمیم ونیسي او ګام واخلي».

د سي ای اې مشر ویلیم برنز ویلي، د امریکا استخبارات په دې باوري دی چې اسراییل او ایران هر اړخیزه جګړه نه غواړي؛ خو په سیمه کې د کړکېچ د زیاتېدو ګواښ رښتینی دی.

نوموړي دغه څرکندونې په یوې ناسته کې د خبرو پر مهال وکړې.

هغه وويل، منځنی ختيځ داسې يو ځای دی چې هر وخت پېچلې پېښې په کې رامنځ ته کېږي.
ویلیم برنز وویل، په داسې حال کې چې د ایران په بریدونو کې د دغه هېواد پوځي وړتیاوو کې ځیني محدودیتونه رابرسېره شوي؛ خو امریکا ته په کار ده چې د ایران پوځي وړتیاوې جدي وګڼي.
د سي ای اې مشر وویل، د غزې په خبرو اترو کې ښکېل مشران باید د اوږدمهاله ثبات لپاره د جوړجاړي، د غزې د اوربند او د یرغملو کسانو د خوشې کولو په برخه کې سختې پرېکړې غوره کړي؛ ترڅو یوې هوکړې ته ورسېږي.