چین په کراچۍ ښار کې د خپلو دوو انجنیرانو له وژل کېدو وروسته، چې د بلوچستان د ازادۍ پوځ یېمسوولیت پر غاړه واخست، اعلان وکړ، چې د خپلو پروژو، موسسو او کارکوونکو د خوندیتوب لپاره به له پاکستان سره همکاري وکړي.
د چین د بهرنیو چارو وزارت یوې ویاندې ماونینګ وایي، دوی د هغو رپوټونو په اړه خبر نه دي، چې پاکستان د شانګهای د همکاریو سازمان د راتلونکې اونۍ غونډې په درشل کې د چینايي وګړو تحرکات محدود کړي.
د اکتوبر پر شپږمه د پاکستان کراچۍ هوايي ډګر ته څېرمه د تېلو په یوه ټانکر کې د چاودنې له امله دوه چینایان ووژل شول او لس نور ټپیان شول.
په پاکستان کې د چین سفارت دغه برید ترهګریزه کړنه وبلله او ویې وویل، چې وژل شویو چینايي انجنیرانو په سند ایالت کې د برېښنا پر یوې پروژې کار کاوه.
