سیمه ییزو سرچینو افغانستان انټرنشنل ته ویلي، چې طالبانو یو ځل بیا د تخار ولایت په چاه اب ولسوالۍ کې خپل تاجک قومندان غلام حسین نیولی دی. سرچینه زیاتوي، چې طالبانو غلام حسین او یو ساتونکی یې له نیولو وروسته کندوز ولایت ته لېږدولی دی.
د سرچینې په خبره، یاد قومندان د چهارشنبې په شپه نیول شوی دی.
غلام حسین کابو درې میاشتې وړاندې هم د تخار ولایت په یاده ولسوالۍ کې له لسګونو ساتونکو سره نیول شوی و او طالبانو په څو ورځو کې د نوموړي څه باندې ۴۰۰ سپکې او درنې وسلې، څو موټرې او ډېر شمېر مهمات ضبط کړي و.د طالبانو یاد قومندان شاوخوا یوه میاشت د طالبانو په بند کې و او وروسته په دې شرط خوشې شو، چې بیا ځلې به خپل ټاټوبي ته نه ورځي.سرچینې وویل، چې غلام حسین په وروستیو ورځو کې بېرته خپل ټاټوبي ته تللی و، چې د طالبانو له خوا ونیول شو.غلام حسین په تخار ولایت کې د حزب اسلامی د ځواکمن قوماندان بشیر قانت له قومندانانو څخه و، چې د خلکو د ځورونې، وژنې او باج اخیستنې په تور د پخواني حکومت له خوا نیول شوی و، خو له بند څخه وتښتېد او له طالبانو سره یو ځای شو.نوموړی په تخار کې د طالبانو له با نفوذه تاجک قومندانانو څخه دی.د راپورونو له مخې، غلام حسین په چاه اب ولسوالۍ کې د نور ابه سرو زرو له کان څخه ګټه اخیسته او سلګونه وسله وال یې درلودل.
ښاغلي قانع په خپل اېکس کې لیکلي، چې نیول شوی کس د دې نجلۍ نږدې خپلوان هم دی.
د نوموړي په وینا، دغه کس تر نیول کېدو وروسته په خپل جرم اعتراف هم کړی دی.
په افغانستان کې له لسیزو راهیسې د ښځو پر وړاندې نه یوازې تاوتریخوالي کېږي بلکې پر دی په ځانګړې توګه پر کوچنیو نجونو د جنسي تېري پېښې ډېرې رامنځته کېږي.
په ډېریو راپورونو کې په افغانستان کې پر ښځو د جنسي تېري لاملونه کورنی تاوتریخوالي، ناسم دودونه، ناوړه اقتصادي وضعیت، د نشه یي توکو کارول او داسې نور بلل شوي دي.
دغو پېښو ته د رسېدو په موخه پر افغانستان د طالبانو له بیا واکمنېدو وروسته د دغې ډلې عدلي او قضایي ادارو ته د ښځو لاسرسی هم ستونزمن شوی دی.