د افغانستان او عمان د کرېکټ الف لوبډلو ترمنځ دوه تمریناتي لوبې یو، یو مساوي پای ته ورسېدې
د افغانستان او عمان د کرېکټ الف لوبډلو ترمنځ دویمه تمریناتي لوبه د پنجشنبې په ورځ ترسره شوه، چې د ۶ منډو په توپیر افغان لوبډلې له عمانه وګټله.
د افغانستان او عمان د کرېکټ الف لوبډلو ترمنځ دویمه تمریناتي لوبه د پنجشنبې په ورځ ترسره شوه، چې د ۶ منډو په توپیر افغان لوبډلې له عمانه وګټله.
په دغې لوبه کې ذبید اکبري نېمه سلیزه ووهله او په دې توګه د سیالې لوبډلې لپاره د ۱۹۱ منډو هدف ورکړل شو؛ خو د عمان لوبډله و نه توانېده، چې دغه هدف ته ځان ورسوي.
د عمان لوبډلې په بېګانۍ لوبه کې یوازې ۱۸۴ منډې جوړې کړې.
د دغې لوبلړۍ لومړۍ لوبه عمان ګټلې وه.
د افغانستان کریکټ بورډ په خپله اېکس پاڼه لیکلي، چې د کریکټ الف لوبډله به (د اکټوبر په ۱۳مه) نېټه له عمان او هانګ کانګ سره په یوې درې اړخیزې لوبلړۍ کې هم برخه واخلي او تر هغې وروسته به اسیا جام سیالیو کې برخه واخلي.
د سوېلي زون فوټبال سيالۍ، چې د هلمند په کوربتوب پيل شوي په لومړۍ لوبه کې د هملند هارون پوپل لوبډلې ۴ د صفر په مقابل کې د ارزګان میوند لوبډلې ته او په دويمه لوبه کې د کندهار استقلال الفت لوبډلې ۴ د ۲ په مقابل کې د غزنې شهادت لوبډلو ته ماتې ورکړي.
د شمال ختيځ زون فوټبال سيالۍ بیا د کندز په کوربتوب پيل شوي دي.
د سياليو په لومړۍ ورځ د بغلان شاهين فوټبال لوبډلې ۳ پر ۱ د بامیان ځوانانو لوبډلې ته او په دويمه لوبه کې د بدخشان عقاب پامير لوبډلې ۴ پر يو د تخار شيوا لوبډلو ته ماتې ورکړه.
د لوېديځ زون فوټبال سیالۍ د هرات په کوربتوب شروع شوي دي.
د سياليو په لومړۍ لوبه کې د نيمروز نورزاد لوبدلې ۲ پر ۱ د بادغيس اتحاد لوبدله ماته کړه او په دويمه سيالۍ کې بيا د هرات صرافان فوټبال لوبډلې ۲ پر صفر د فراه معارف لوبډلې ته ماتې ورکړه.
