د اسراییل د ډېموکراسۍ د انسټیټیوټ له خوا شوې نظرپوښتنه ښيي، چې ۷۲ سلنه د نظرپوښتنې اسراییلي ګډونوال په دې باور دي چې ټرمپ دوی ته ګټور دی، همدا راز ۱۳ سلنه اسراییلي ګډونوال د کمالا په اړه مثبت باور لري او ۱۵ سلنه ګډونوالو ته بیا د دواړو ټاکنه کوم ځانګړی توپیر نه لري.
د اسراییل د ډېموکراسۍ انسټیټیوت وايي چې دوی په سروې کې پوښتنه کړې: "د متحده ایالاتو د ولسمشریزو ټاکنو په دواړو نوماندانو کې د اسراییلي وګړو او اسراییل لپاره کوم نوماند غوره دی؟"
د دغې نظرپوښتنې له مخې، د یهودي اسراییلیانو تر منځ ۷۲ سلنه د ټرمپ ملاتړي دي او ۱۱ سلنه یې د کمالا په اړه مثبت نظر لري.
خو د عربي ګروپ تر منځ بیا ۴۶ سلنه په دې باور دي چې دوی ته دواړه کوم توپیر نه لري.
د دغه ګروپ ۲۷ سلنه بیا ټرمپ ګټور بولي او ۲۲.۵ سلنه بیا د ډېموکراټانو نومانده کمالا هرېس د اسراییل لپاره ګټوره بولي.
د اسراییل د ډېموکراسۍ انسټیټیوټ بیا وايي چې دا سروې یې د انټرنیټ او ټېلفون له لارې ترسره کړې ده، چې پکې له ۶۰۰ کسانو سره په عبراني او ۱۵۰ کسانو سره په عربي ژبه خبرې شوې دي.
