د امریکایي رایه ورکوونکو اصلي اندېښنې اقتصاد، کډوالي او د جنین سقط دی

د رویټرز د راپور له مخې، د جمهوري غوښتونکو د نوماند ډونالډ ټرمپ پلویان بیا نوموړي ته د رایه ورکولو اصلي علت غیر قانوني کډوالي بولي.پر دې سربېره کمزوری اقتصاد او لوړ انفلاسیون له هغو نورو مسایلو دي، چې د جمهوري غوښتونکو رایه ورکوونکي یې تر اغېزو لاندې راوستي دي.بل پلو، د کمالا هرېس ډېری پلویان د جنین د سقط د حقونو د خوندي ساتلو په برخه کې له نوموړې ملاتړ کوي.له دې سره، د ټرمپ نژادپرست ګڼل بیا د هرېس د پلویانو ذهن بوخت کړی دی.دا موضوعګانې په کلیدي ایالتونو لکه پنسلوانیا، شمالي کارولینا، جورجیا، نوادا، اریزونا، میشیګن او ویسکانسن کې څېړل شوي دي.اوسمهال د امریکا په ټولو ایالتونو کې د رایه ورکولو بهیر روان دی او تمه کېږي، چې نن شپه به د دغو ټاکنو پایلې روښانه شي.خو ځیني باورونه بیا دا دي، چې ښایي د ټاکنو پایلې تر څو ورځو او ان تر څو اونۍ وخت ونیسي.