د ایف بي ای خبرداری: د ایف بي ای په نوم او لوګو یو شمېر جعلي ویډیوګانې خپریږي
د امریکا فېدرالي استخباراتي ادارې خبرداری ورکړی چې د دغې ادارې له نوم او لوګو څخه په استفادې یو شمېر جعلي ویډیوګانې خپرې شوې او دا بهیر لا هم روان دی.
د امریکا فېدرالي استخباراتي ادارې خبرداری ورکړی چې د دغې ادارې له نوم او لوګو څخه په استفادې یو شمېر جعلي ویډیوګانې خپرې شوې او دا بهیر لا هم روان دی.
په دغو ویډیوګانو کې ویل شوي، چې ایف بي ای رایه ورکوونکو ته لارښوونه کړې چې د رایې ورکولو په مرکزونو کې د تروریستي ګواښونو له امله غیر مقیم (ان لاین) رایه وکاروي.
یوه بله ویډیو کې ادعا شوې ده چې په څو مهمو ایالتونو کې د زندانونو د چارو د سمون ادارې په ټاکنو کې لاسوهنه کړې او د یوه ځانګړي ګوند ملاتړ یې کړی دی.
ایف بي ای ټینګار کړی چې دا ویډیوګانې جعلي دي او د ادارې له خوا نه دي خپرې شوې.
په تېرو دوو اونیو کې د امریکا د فېدرالي استخباراتي ادارې روسیه تورنه کړه چې د دې ډول جعلي منځپانګو په خپرولو کې د پراخو ناسمو معلوماتو لپاره کمپاین کوي.
له دې وړاندې هم په امریکا کې یو شمېر چارواکو د امریکا په ټاکنو کې د مداخلې په پار د چینايي، روسي او ایراني هېکرانو د هڅو یادونه کړې وه.
