د امریکا د ۴۷م ولسمشر په توګه د ډونالډ ټرمپ ټاکل د هند په سویل کې د کمالاهرېس د مور د کورنۍ سره تړلي د تولي سندراپورم د کوچني کلي اوسېدونکي مایوس کړي دي. د دې کلي اوسېدونکو هرېس ته دعا کړې او هيله يې څرګنده کړې وه، چې هغه به يې ګټې.
هغوی په خپلو ځيرک ټلیفونونو کې د ټاکنو پایلې په خوښۍ سره تعقیبولې، دوی د ټرمپ په بریا مایوس شوي؛ خو ډیرو یې ویلي، چې دوی د هرېس په ښه مبارزه ویاړي.
دغه کلیوال د هرېس د بریا په تمه وو او د سې شنبې په ورځ یې په يو معبد کې هغې ته د دعا لپاره ځانګړی چمتوالی نیولی وو.
ځینو د هرېس د بریا په صورت کې د اور لوبو، خوږو وېشولو او جنشن پلان هم درلود.
د کلي يوه اوسېدونکي جي وويل: «موږ په دې اړه خواشيني يو؛ خو څه وکړو؟ دا د هغه هېواد د رایه ورکوونکو په لاس کې وه. دوی ټرمپ بریالی کړ. موږ یوازې ټرمپ ته د بریا هیله کولی شو.»
د خبريالانو یوه ډله، چې د کلي د معبد د باندي ولاړه وه، د ټاکنو د پايلو له معلومېدو سره سم له کلي تللي دي.
دا کلی د سې شنبې راهیسي د رسنيو د لنډي تماشې او خوښۍ ځای و، چې اوس تقریبا خالی شوی دی.
