د بشري حقونو څارډله: د ټرمپ بیا ولسمشر کېدل، د نړۍ لپاره جدي ګواښ دی
د بشري حقونو څارډلې د یوې اعلامیې په خپرولو سره د ډونالډ ټرمپ دوهمه دوره «په امریکا او نړۍ کې د بشري حقونو لپاره جدي ګواښ» بللی دی.
د یوې اعلامیې له مخې، یادې اندېښنې د ټرمپ د ولسمشرۍ په لومړۍ دوره کې د بشري حقونو د نقض، د توکمپالنې ایډیالوژۍ د ملاتړ او د ولسواکۍ او بشري حقونو ضد افراطي سیاستونو له کبله راپورته شوې دي.
دې سیاست په ځانګړې توګه هغه مهال وده وکړه چې ټرمپ د خپلو پخوانیو مشاورينو په لارښوونه د فکري بنسټونو د وړاندیزونو پر بنسټ دغه کړنې په مخ بېولې.
د ټرمپ د کمپاین ژمنې لکه د میلیونونو کډوالو د نیولو او شړلو او د هغه د سیاسي مخالفینو په وړاندې غچ اخیستل نورې هغه اندیښنې دي، چې د بشري حقونو د څار سازمان ورته اشاره کړې.
د بشري حقونو د څارډلې اجراييوي مشرې تیرانا حسن په دې اړه ويلي، چې ټرمپ په امریکا کې د میلیونو خلکو د بشري حقونو د سرغړونې په اړه د خپل نيت څرګندولو کې هيڅ لیوالتیا نه لري.
د هغې په وینا خپلواک او مدني بنسټونه باید ټول هڅه وکړي، چې د ټرمپ او د هغه اداره د بشري حقونو د سرغړونو لپاره ځواب ورکوونکی شي.
