طالبانو په جوزجان کې د ۴ ښځو په ګډون ۲۲ کسان د خلکو په مخ کې په دورو وهلي

د طالبانو تر واک لاندې باختر اژانس د خبر له مخې نن د سې شنبې «د لړم۱۵مه» د هلمند پوهنتون د غونډو په تالار کي د طالبانو دعوت او ارشاد له خوا دا سمینار ترسره شو.

د معلوماتو له مخې دا سمینار د هلمند پوهنتون لپاره د طالبانو د دعوت او ارشاد امر عبدالقیوم ذاکر د دې پوهنتون مسولینو، استادانو، کارمندانو او محصلانو ته د شریعت له نظره د ځان وژني په اړه د پوهاوي سمینار وړاندې کړ.

طالبان وايي چي د سمینار موخه یې د ځوانانو ترمنځ د ځان وژنې څخه د ځان ژغورنې په اړه د اسلامي تعلیماتو په رڼا کي د عامه پوهاوي کچه لوړول وو.

د طالبانو د دوعوت او ارشاد امریت امر عبد القیوم ذاکر د سمینار په پیل کي وویل: د ځان وژنې موضوع په اوسني وخت کې د ځوانانو لپاره یوه جدي ستونزه ده.

د طالبانو دا مسوول چارواکی وايی په دې باور دی، چې اسلام د ژوند د ارزښت په اړه ډيرې روښانه لارښوونې لري او دا عمل د شریعت له نظره یوه لویه ګناه ګڼل کیږي.

دغه طالب چارواکی فقر او غربت، ژور خپګان او د نشه یي توکو استعمال د ځان وژنې علتونه بولي.

دا به داسې حال کې ده، چې طالبانو په تېره شل کلنه جګړه کې ځوانان ځانمرګي برید ته هڅولي او چمتو کړي دي.

د طالبانو درې کلنۍ واکمنۍ کې خراب اقتصادي وضعیت او بي کاري ډیری ځوانان مایوسه کړي دي، چې ځوانان ځان وژنې ته مخه کوي.

د یاد شرکت عمومي اجرایوي رییس عبدالباري عمر وویل، چې د تیر نظام پر دولتي ادارو، چارواکو او زورواکانو ۱۳ میلیارده افغانۍ د برېښنا پورونه پاتې چې تر اوسه یې نه دي ادا کړي.

نوموړي زیاته کړه، چې « ۱۳ میلیارده افغانۍ د جمهوریت پر دولتي ادارو، چارواکو او سیاستوالو پور دي. موږ دوی ته اعلان کوو چې که بیلونه تحویل نه کړي، ملکیتونه به یې د محکمې له لارې برېښنا ریاست ته ورکړل شي».

عمر د طالبانو تر واک لاندې ملي ټلویزیون ته په یوه ځانګړې مرکه کې وویل، چې دوی د وارداتي برېښنا پیسې د هرې میاشتې پر ۲۷مه او ۲۸مه نېټه ور کوي او اوس له دې اړخه د کوم هېواد پوروړي نه دي.

د برېښنا شرکت دغه طالب چارواکی وايي، د ترکیې ۷۷ شرکت پر یو شمېر پروژو کار کوي، چې ځینې یې د تخنیکي بحثونو لپاره تر څیړنې او ځینې تر کار لاندې دي.

داسې مهال چې په کابل او ولایتونو کې خلک د برېښنا له پرچاوۍ شکایتونه کوي او د ژمي په را رسېدو سره دا ستونزه نوره هم ډیریږي، دا طالب چارواکی وايي، په تېرو دریو میاشتو کې یې د ۴۰۰ میلیونو ډالرو په ارزښت پروژې ډیزاین کړې او ځینې نورې تر تخنیکي بحثونو لاندې دي.

د ده په وینا، په دغو پروژو کې د بادي، ګازي، ډبرو سکرو او لمري برېښنا پروژې شاملې دي.

نوموړي د هلمند کجکي بند د برېښنا په اړه وویل، چې دغه بند به په راتلونکي یوه او یونیم کال کې د ۱۵۰ میګاواټه برېښنا د تولید وړتیا ومومي.

د طالبانو حکومت له دې وړاندې هم پخوانیو چارواکو او سیاستوالو ته خبرداری ورکړی و، چې که د برېښنا بېلونه پرې نه کړي، شتمنۍ به یې ضبط شي.

د ۲۰۲۲ کال په اکتوبر کې د برېښنا شرکت اعلان وکړ، چې ۶۸۱ میلیونه ډالره پورونه یې راغونډ کړي دي.

دغه پیسې ډیری له پخوانیو سیاستوالو، شرکتونو او سوداګریزو او صنعتي کمپنیو راټولې شوې وې.

طالبانو د یوشمېر پخوانیو چارواکو او سیاسي څېرو کورونه ولکه کړي او د شخصي مېلمستونونو او کورونو په توګه ترې ګټه اخلي.

د دې ډلې مشر په خپل تازه حکم کې په اتو پوسټونو کې تغییرات راوستي، خو د ننګرهار ولایت د پوهنې ریاست ته یې د پکتیکا مخکینی امنیه قوماندان محمد شریف حلیم د نوي رییس په توګه معرفي کړی.

په نویو ټاکنو کې د پروان ولایت مخکینی والي مولوي قدرت ﷲ امیني د دې ډلې د کورنیو چارو وزارت د امنیتي سلاکار په توګه او د یاد وزارت مخکینی امنیتي سلاکار مولوي محمد ابوالوفا عثماني، د پروان ولایت د مرستیال په توګه ټاکل شوي دي.

دغه راز د مولوي هبت الله اخوندزاده په دغه حکم کې د طالبانو یو شمېر نور چارواکي هم له یوه پوسټ نه بل هغه ته بدل شوي، خو نوې څېرې پکې نه ترسترګو کیږي.

د شنونکو په باور، طالبان د ملکي او نظامي برخو ترمنځ پر تفکیک قایل نه دي او وړتیا او ظرفیت د افرادو په «جهادي مخینه» کې لټوي.

د طالبانو مشرانو له دې وړاندې ویلي، چې د حکومتي څوکیو لپاره هغو کسانو ته لومړیتوب ور کوي، چې لږترلږه اووه کاله له دوی سره د جګړو په لیکو کې همکار پاتې شوي وي.

ددې ډلې د تصفیې پر کمیسیون هم ګڼ طالبان نیوکې کوي او ځینو د اعتراض په ډول د تصفیې پاڼې سوځولې دي.

نړیوالو سازمانونو په خپلو رپوټونو کې په تکرار د طالبانو حکومت د افغانستان له مسلکي کدرونو سره په تبعیض تورن کړی.

له بل پلوه د مالدیف د بهرنیو چارو وزارت له‌خوا په خپور شوي یو بیان کې راغلي، چې د دغې لیدنې په تړاو اجازه نه وه غوښتل شوې او په دې برخه کې د مالدیف حکومت له‌خوا لازم ګام اخیستل شوی دی.
د دغه بیان له مخې، مالدیف هغه حکومت چې په ملګرو ملتونو کې د افغانستان استازیتوب کوي؛ د افغانستان د مشروع حکومت په توګه پېژني.

ورته مهال پاکستانۍ رسنۍ اردو نیوز هم په خپلو یوه راپور کې ویلي، چې مالدیف په پاکستان کې د خپل سفارت له پاڼې د ښاغلي طه نوم لرې کړی دی.
په پاکستان کې د مالدیف سفیر محمد طه په اسلام اباد کې د طالبانو له سفیر سردار احمد شکېب سره درې ورځې وړاندې د نومبر په لومړۍ نېټه لیدلي و.
‏هغه مهال په اسلام اباد کې د طالبانو سفارت د دغې لیدنې په اړه پر اېکس پاڼه لیکلي و، چې ښاغلي طه په دغې لیدنه کې ټینګار کړی چې هېواد یې له افغانستان سره د نږدې او ټینګو اړیکو غوښتونکی دی.
هغه دغه راز هیله‌مندي څرګنده کړې وه، چې د افغانستان له لارې به وشي کړای د منځني ختیځ له هېوادونو سره ټرانزیټي اړیکي ټینګ کړي.

که څه هم د ځینو هېوادونو سره طالبانو ښې اړیکي جوړې کړې دي؛ خو د درېیو کلونو په تېرېدو سره لاهم د طالبانو حکومت هیڅ یوه هېواد په رسمیت نه دی پېژندلی.

د شمېرو له مخې، افغان، سوريايي، سوډاني او ايراني پناه غوښتونکي په برېتانيا کې د منل کېدو تر ټولو ډېر چانس لري.

د ډیلي ټیلیګراف په وینا کییر سټارمر د دوشنبې په ورځ د دې هیوادونو څخه د پناه غوښتونکو د قضیو د ژر څیړلو په اړه د یوې پوښتنې په ځواب کې وویل، چې د کارګر حکومت غواړي "په سیسټم کې ټولې قضیې په چټکۍ سره وڅیړي".

د بريتانيا د کورنيو چارو وزيرې يويټې کوپر د هغو هېوادونو نومونه وانه خيستل چې ښايي په دغه پروګرام کې شامل شي، خو افغانستان يو له هغو هېوادونو څخه دى چې په برتانيا کې د پناه غوښتونکو تر ټولو زيات شمېر لري او د منل کیدو کچه يې ٩٦ سلنه ده.

له دې وروسته د سوریې، سوډان او ایران څخه کډوال دي چې د کورنۍ جګړې، جبر او سیاسي او مذهبي ځورونو له امله بریتانیا ته پناه وړي او د هغوی د منلو چانس خورا زیات دی.

د شمېرو له مخې، په برتانیا کې د کډوالۍ ۱۲۰زره دوسیې نه دي څېړل شوي، چې له دې جملې څخه تر ۳۵زره ډېرې قضیې د دغو پنځو هېوادونو اړوند دي.

د برتانیا لومړي وزیر د ریشي سونک حکومت د قضیو په ځنډولو کې پر کړ او ویې ویل، چې انګلستان د نورو هیوادونو په پرتله خورا بد وضعیت کې دی.

سټارمر همداراز زیاته کړه چې د انګلیس چینل له لارې د پناه غوښتونکو د مخنیوي لپاره به د انسان د قاچاقبرانو سره د تروریستي شبکو د غړو په څیر چلند وشي.

هغه د انسان د قاچاق شبکې نړیوال امنیت ته جدي ګواښ وباله او ویې ویل، چې د بریتانیا د سرحدي امنیت ادارې بودجه به له ۹۷میلیون ډالرو څخه ۱۹۴میلیون ډالرو ته لوړه کړي.

د شمېرو له مخې د روان کال له پيله تر اوسه څه باندې ۳۱زره کډوال د انګلیس کانال له لارې بریتانیا ته داخل شوي او لږ تر لږه ۵۶کسانو پر دغه لار خپل ژوند له لاسه ورکړی دی.