د طالبانو تر واک لاندې په ممبۍ کې د افغانستان کونسلګرۍ د یوې خبرتیا په خپرولو سره ویلي، چې د پاسپورټونو د وېش لړۍ یې پیل کړې. د یادې کونسلګرۍ له خوا په اېکس خپره شوې خبرتیا کې راغلي چې د پاسپورټونو د وېش لړۍ به د لړم په ٢١مه نېټه پيل شي.
دغې کونسلګرۍ د يکشنبې په ورځ (لړم ۲۱مه) ليکلي: «د افغانانو د اړتياوو د پوره کولو په موخه په ممبۍ کې د افغانستان د کونسلګرۍ له خوا د پاسپورټونو د وېش بهير به د ١٤٠٣ کال د لړم په ٢١مه پيل شي.»
دغه خبریتا په داسې حال کې خپره شوه، چې هندۍ ورځپاڼې سنډې ګارډین راپور ورکړی، چې هند په پام کې لري د اکرام الدین کامل په نوم یو کس د طالبانو په استازیتوب د طالبانو تر واک لاندې په ممبۍ کې د افغانستان کونسلګرۍ د دویم جنرال کونسل په توګه ومني.
د راپور له مخې، ښاغلی کمیل په دې وروستیو کې په عادي پاسپورټ هند ته تللی دی.
په دغه راپور کې چې د یکشنبې په ورځ د (لړم ۲۰مه) خپور شو، ویل شوي چې ډیلی له طالبانو سره د ډیپلوماټیکو اړیکو د پراخولو په برخه کې په یوه مهم ګام کې ښایي په هند کې د دغې ډلې استازی ومني.
