په کورمه کې د اوربند سره، سره تازه د ۱۳ کسانو د وژل کېدو خبر ورکړل شوی

د اندونیزیا له طبیعي پېښو سره د مبارزې ادارې ویلي، چې په سوماترا ولایت کې د تېرې اونۍ سخت بارانونه په څلورو بېلابېلو ولسوالیو کې د سیلابونو او ځمکې ښویدنې لامل شوي دي.

د شمالي سوماترا د پولیسو ویاند هادي وحیدي د جمعې په ورځ رویټرز ته وویل، چې د چهارشنبې په ورځ په یوه غرنۍ سیمه کې په یو سړک د ځمکې ښویدنې له امله د مړو شمېر له اوو څخه نهو ته لوړ شوی دی.

لږ تر لږه پنځه موټر، یو بس او یوه لارۍ د ځمکې ښویدنې وروسته د یوې غونډۍ په څنډه بند پاتې دي.

هادي وویل: "موږ لا هم نه پوهیږو چې څومره کسان لا هم بند پاتې دي."

په نورو ولسوالیو کې، د اونۍ په پای کې د ځمکې ښویدنې له امله ۲۰ کسان مړه شوي او ژغورونکي به د شنبې تر ورځې پورې د دوو ورک شویو کسانو لټون کوي.

د اندونیزیا د هوا پیژندنې ادارې خبرداری ورکړي، چې د ۲۰۲۴ کال په پای کې د شدیدو بارانونو اټکل کیږي.

د سوریې د بشري حقونو د څار ډلې د تحریر الشام او د سوریې د پوځ ترمنځ نښتو ته په اشارې سره ویلي، چې د حلب په لویدیځو سیمو کې د بشارالاسد د پلوي ځواکونو شمېر کم شوی دی.

د سوریې د بشري حقونو د څار ډلې ویلي، چې د بشارالاسد مخالفې وسله والې ډلې په څو ساعتونو کې د حلب ښار پنځه سیمې تر خپل کنټرول لاندې راوستي او د سراقب سیمه یې هم نیولې ده.

العربیه هم راپور ورکړی،چې د بشارالاسد مخالفې وسله والې ډلې اوس د حلب او ادلب په څنډو کې ۶۵ښارګوټي او کلي تر خپل کنټرول لاندې راوستي دي.

د سوریې د بشري حقونو د څار ډلې زیاته کړې، چې د تحریر الشام ډلې ځواکونه د بشارالاسد د حکومت د ځواکونو له مقاومت پرته حلب ښار ته ننوتلي دي.

د ترکیې د بهرنیو چارو وزارت په یوې خبرپاڼه کې وویل، چې د سوریې په شمال لویدیځ کې د بشارالاسد د مخالفو وسله والو ډلو او د حکومت د ځواکونو ترمنځ نښتې په دې سیمه کې د کړکېچ د زیاتیدو لامل شوي دي.

د ترکیې د بهرنیو چارو وزارت زیاته کړه، چې د انقرې لومړیتوب په سیمه کې د لا بې ثباتۍ مخنیوی دی.

د هند پولیس وايي، چې د ماشومې مور او او پلار د ډېرې بې وزلۍ له امله خپله څلور کلنه لور په یوې بې اولاده کورنۍ په ۴۰ زره هندي کلدارو پلورلې ده.

پولیس د پېښې له خبریدو سره، نجلۍ ژغورلې او د نجلۍ د مور او پلار په ګډون یې شپږ کسان نیولي دي.

د پولیسو په وینا، د پلټنو پر مهال د نجلۍ مور او پلار هم پر خپل جرم اعتراف کړی دی.

دغو ډاکټرانو وویل، چې دوی د نصیرات کمپ په شمالي سیمو کې د ۱۹ فلسطینیانو جسدونه موندلي.

ډاکټرانو زیاته کړه، پاتې نور د غزې تړانګې په شمالي او سویلي سیمو کې وژل شوي دي.

اسراییلي پوځ د جمعې په ورځ تازه څرګندونې نه دي کړي، خو د پنجشنبې په ورځ یې ویلي و، چې د دوی ځواکونه په غزه کې د عملیاتي فعالیتونو د یوې برخې په توګه د ترهګرو پر اهدافو بریدونو ته دوام ورکوي.

لسګونه فلسطینیان د جمعې په ورځ هغه وخت خپلو سیمو ته راوګرځیدل چې د خپلو کورنو زیانونه وګوري، کله چې اسراییلي پوځ ترې شاتګ کړی. د ځینو وژل شویو کسانو جسدونه هم ترلاسه شوي دي.

همدا راز ډاکټرانو وویل، چې د جمعې په ورځ یوې اسراییلي بې پیلوټه الوتکې د غزې د تړانګې په شمالي څنډه کې د بیت لاهیا په کمال عدوان روغتون کې د جدي پاملرنې څانګې مشر احمد الکهلوت وواژه.

د کمال عدوان روغتون دوو طبي چارواکو رویټرز ته ویلي، چې الکهلوت هغه مهال د بې پیلوټه الوتکې په یو راکټ هغه مهال ووژل شو کله چې د روغتون له دروازې تېریده.

د غزې د روغتیا وزارت وویل، چې د دې اونۍ په پیل کې د روغتون مسوول او ۱۲ نور ډاکټران هم په ورته بریدونو کې ټپیان شوي وو.

اسراییلي پوځ تر اوسه په دې تړاو څه نه دي ویلي.

کمال عدوان روغتون د غزې تړانګې په شمالي څنډه کې یو له درېیو طبي تاسیساتو څخه دی چې اوس د طبي، سوند توکو او خوراکي توکو د کمښت له امله په سختۍ سره فعالیت کوي.

په وروستیو اونیو کې د شمالي کوریا شاوخوا لس زره سرتېري له اوکراین سره د جګړې لپاره روسیې ته استول شوي دي.

د روسیې دفاع وزیر پیونګ یانګ ته د خپل سفر موخه "د دواړو هېوادونو ترمنځ د پوځي همکاریو پراخول" وبلل.

بلوسوف زیاته کړه، چې د ستراتیژیکو همکاریو تړون په دې وروستیو کې د روسیې د ولسمشر ولادیمیر پوتین او د شمالي کوریا د مشر کیم جونګ اون تر منځ لاسلیک شوی چې د شمال ختیځې اسیا په سیمه کې د ثبات د ټینګښت په لټه کې دی.

د روسیې د دفاع وزیر په وینا، دا موافقه د اټمي مقابلې په ګډون د جګړې د خطر د کمولو او په سیمه کې د قدرت د توازن د ساتلو په هدف شوې ده.

په دې غونډه کې د شمالي کوریا د دفاع وزیر هم ټینګار وکړ،چې پیونګ یانګ د "نړۍوالې سولې او امنیت ساتلو" لپاره له خپلو "روسي ملګرو" سره په ګډه جبهه کې ولاړ دی.

په وروستیو اونیو کې روسیې ته د شمالي کوریا د شاوخوا لس زره پوځیانو د استولو خبرونه خپاره شوي دي.

امریکا د لړم په دویمه نېټه تایید کړه چې د شمالي کوریا پوځیان د اوکراین پر ضد د جګړې لپاره روسیې ته استول شوي دي.

اوکراين د لړم په لسمه نېټه اعلان وکړ، چې د درېيو جنرالانو په ګډون د شمالي کوريا د پوځ ٥٠٠ پوځیان د دغه هېواد د زرګونو عسکرو سره یو ځای روسيې ته استول شوي دي.