د فاطمیون وسلوال دمشق او لاذقیه ته «انتقال شوي» دي

د اروپايي ټولنې د هوايي خوندیتوب ادارې تېره اونۍ له پي ای اې دغې وچې ته پر الوت لګېدلي بندیزونه لرې کړل.

د پاکستان دفاع وزیر لومړنی کس و چې تېره اونۍ یې اروپا ته د دغه شرکت پر الوت د بندیزونو لرې کولو خبره وکړه.

اوس د دې شرکت ویاند عبدالله حفیظ یوه اعلامیه کې ویلي چې اروپايي ټولنې ته د لومړني الوت تایید یې تر لاسه کړی دی.

نوموړی وايي، دا شرکت د ډیسمبر پر نهم مسافرو ته د ټیکټونو اخیستلو چاره پیلوي او لومړنۍ الوتنه به جنورۍ کې وشي.

پاکستان کې د الوتکې غورځېدو پېښه کې د ۹۷ کسانو وژل کېدو او د لسګونو پیلوټانو د جعلي اسنادو د خبر خپرېدو پسې اروپايي ټولنې او بریتانیا د پي ای اې پر الوتنو بندیز ولګاوه.

د دې هوايي شرکت ویاند وايي، دوی به د بریتانیا له ټرانسپورټ ادارې سره هم د الوتنو پر بیا پیلېدو ژر خبرې پیل کړي.

د دې بندیزونو له امله هر کال د پاکستان هوايي کرښې ته تر څلوېښت میلیارد روپیو یا ۱۴۴ میلیون ډالرو تاوان رسېدلی دی.

د اروپايي ټولنې د هوايي خوندیتوب ادارې د ۲۰۲۰ جون پر ۳۰ پر پاکستان نړیوالې هوايي کرښې د بندیز لګېدو سره د هغه وخت د حکومت په هڅو پسې د همغه کال د جولای تر ۳ د لنډمهال لپاره التونو ته اجازه ور کړل شوه، خو بیا تر اوسه پرې بندیز و.

هغه مهال د پاکستان د هوايي چلن وزیر د خپل هېواد پارلمان ته خبرو کې منلې وه، چې تر ۱۵۰ پیلوټان سندونه نه لري.

د وال سټریټ ژورنال د راپور له مخې، د بشارالاسد مېرمنې او ماشومانو تېره اونۍ روسیې ته سفر کړی او د هغه زامن متحده عربي اماراتو ته تللې دي.

د مصر او اردن دا وړاندیز هغه ستونزمن حالت ښيي چې د سوریې رژیم ورسره مخامخ دی. د تحریر الشام ځواکونو د حلب او حماه ښارونه نیولي او اوس په حمص د حملې لپاره تیاري نیسي.

د حمص نیول به د دمشق او د لاذقیه او طرطوس د ساحلي ولایتونو تر منځ اړیکې پرې کړي. هغه سیمې چې اکثره خلک یې علویان دي او د بشارالاسد اصلي ملاتړي دي.

وسله وال په نورو سیمو کې هم د پرمختګ په حال کې دي. د امریکا په ملاتړ کُردانو د جمعې په ورځ د دغه هېواد په ختیځ کې دیرالزور ښار نیولی او د اسراییل پولې ته څېرمه د درعا په ښار کې د یاغیانو له خوا د پراخو بریدونو خبر هم ورکړل شوی دی.

بل خوا، روسیې، امریکا او یو شمیر نورو هیوادونو له خپلو وګړو غوښتي،‌ چې ژر تر ژره له سوریې ووځي.

د "ډیلي میل" او "جی ایل پارټنرز" ورځپاڼو د نظرپوښتنې پایله چې د یو زرو او شپږ سوه کسانو په ګډون سره ترسره شوې، ښیې چې جو بایډن د معاصرو امریکایی ولسمشرانو په کتار کې په ټېټه درجه کې دی.

د دې نظرپوښتنې له مخې جوبایډن د امریکا د پخواني ولسمشر جیمي کارټر په پرتله هم بد دی.

جیمي کارټر چې په ۱۹۷۰ لسیزه کې د امریکا د متحدو ایالتونو ولسمشر و، یو کال وروسته د لوړ انفلاسیون او له ایران څخه د امریکايي یرغمل شویو د خلاصون د ناکامې هڅې له امله له خپلې دندې استعفا وکړه.

په دې نظر پوښتنه کې، له ځواب ویونکو څخه غوښتل شوي چې نهه وروستي ولسمشران درجه بندي کړي، چې جو بایډن ترټولو په ټیټ کتار کې و.

په سلو کې ۴۴ سلنه ځواب ویوونکو هغه د متحده ایالاتو پخواني ولسمشر ریجارډ نیکسون څخه هم بد ګڼلی، بایډن ۳۰ منفي نمرې او نیکسون ۲۵ منفي نمرې ترلاسه کړي.

همدا راز، له نیمایي څخه زیاتو ځواب ورکوونکي په دې باور وو، د خپل زوی بښل یې غلطه پریکړه وه.

۸۲ کلن جو بایډن به د راتلونکي کال د جنورۍ په ۲۰مه ولسمشرۍ ماڼۍ منتخب ولسمشر ټرامپ ته پریږدي.

د پاکستان د خیبر پښتونخوا ایالت په صوابۍ سیمه کې رسینو سره خبرو کې، مولانا فضل الرحمن وويل، چې په دغه ایالت کې د امنیت په برخه کې کوم پرمختگ نه دى شوى. هغه وايي، چې بايد د والي پر ځای لومړي وزیر د بین الایالتي همغږي رابللي وای. او زیاتوي: "ولې والي راوبلله؟ والي دا صلاحیت نه لري."

مولانا فضل الرحمان وويل، جمعيت علماء اسلام تر اوسه د پراخ لاریون په اړه پرېکړه نه ده کړې، او دا چې د مدرسو د موضوع په اړه به په قوت سره پرېکړه وکړي.

نوموړی وايي: "هغه کس چې د قانون په جوړولو کې لاس لري، اوس هغه اعراضونه لری؟ که دې ته بې باوري ونه ویل شي، نو بیا دې ته کوم نوم ورکړل شي؟"

هغه زیاته کړه، چې د پاکستان لومړی وزیر باید په خپلو خبرو کې نرمښت راولي او د منل شوي قانون جنجالي کولو څخه ډډه وکړي.

تر دې وړاندې پاکستاني رسنیو راپور ورکړي، د پاکستان لومړي وزیر شهباز شریف له مولانا سره ټلیفوني خبرې کړي او د مدرسو د راجستر کولو سره غږیدلي.

مولانا زیاته کړې، چې حکومت دې منظور شوې لایحې له جنجالي کولو څخه ډډه وکړي او د مدرسو ازادي دې نه اغیزمنه کیږي.

د پاکستان پخواني لومړي وزیر عمران خان د پنج شنبې په ورځ پر ایکس خپلو پلوان ته لیکلي؛ چې د ډيسمبر په ۱۳ د پښتونخوا صوبې په مرکز پېښور ښار کې را غونډ شي.

پښتونخوا کې تحریک انصاف ګوند واکمن دی.

نوموړي د نومبر میاشتې د ۲۵مې په لاریونونو او د مۍ د ۱۴ نېټې تاوتریخوالي کې د وژل شویو پلویانو لپاره د فضايي پلټنو او له زندان د خپل ګوند د ټولو سیاسي کارکوونکو له د خوشي کېدو غوښتنه کړې ده.

عمران خان وايي، د نومبر په ۲۵مه لاریونونو کې یې ۱۲ د مۍ میاشتې په ۹مه نېټه لاریونونو کې یې ۸ پلویان وژل شوي وو.

ښاغلی خان وايي:«که چیرې دا دوه غوښتنې ونه منل شي، نو د ډیسمبر له ۱۴ به د مدني نافرمانۍ غورځنګ پیل شي او حکومت به د هرډول پایلو مسول وي.»

خو حکومت د نومبر په ۲۵ مه لاریون په ترڅ کې د مرګ ژوبلې خبره ردوي او وايي چې د خان پلویانو د تېر کال د مۍ په ۹ مه پر پوځي تاسیساتو برید کړی و.

عمران خان د پنجشنبې په ورځ په دې تورن شو چې د مۍ د نهمې نیټې د بریدونو رهبري یې کوله، خو نوموړی دا تور ردوي.

د مۍ د نهمې نیټې لاریونونو رهبري کولو تور پر خان د لسګونو نورو تورونو له جملي وروستۍ تور دی او نوموړی د تېر کال له ورستیو په زندان کې دی.

ښاغلی خان او ګوند یې وايي، دا قضیې او تورونه د پوځ په امر له سیاست د نوموړي د لرې ساتلو لپاره لېګدلي دي، خو د پاکستان پوځ دا تورونه ردوي.