د سي آی اې مخکینۍ ماموره: د بشارالاسد زندانونه او د طالبانو ۳۱ ډوله شکنجې سره ورته دي

ډیکر په خپل ویډیو پیغام کې ویلي، « دا افغانان دي چې په زغرده زده کړې خپل حق او راتلونکی ګڼي».

ډیکر وايي، افغان پلرونه او میندې غواړي ددوی بچیان زده کړې وکړي او په عامه ژوند کې برخه واخلي، خو دا نه پوهیږي چې طالبان یې ولې نه اوري.

په ورته وخت کې د افغانستان لپاره د ملګرو ملتونو ځانګړي راپور ورکوونکي ریچارد بینېټ د افغان ولس زړورتیا او استقامت ستایلی، چې له سختو ننګونو سره سره لا هم د خپلو اساسي حقونو لپاره مبارزه کوي.

بینټ پر خپل اېکس په افغانستان کې جنسیتي ځورونې، د مدني فضا تنګېدو، ربړونو، ناوړه چلند، د لږه کیو څنډې ته کولو او د جدي بشري ناورین پر وړاندې هڅو ته اشاره کړې ده.

هغه له نړیوالې ټولنې غوښتي، چې د افغانانو د « زموږ حقونه او زموږ راتلونکی» شعار ملاتړ وکړي او له دوی سره پیوستون وښيي.

بینېټ وايي د بشري حقونو په ورځ زه د افغانانو دې زړورتیا او استقامت ته درناوی کوم، چې د خپلو حقونو او روښانه راتلونکي غوښتنه کوي. نوموړي غږ کړی، چې « راځئ د دوی ترڅنګ ودریږو».

د ایران صدوسیما اژانس نن د سې شنبې په ورځ «د لیندۍ ۲مه» د دغه پوځي چارواکي له قوله وايي، د پولې د بندولو او دېوال جوړولو موضوع د مسافرو په تګ او راتګ او د پولې په کنټرول باندې ډېره ښه اغېزه کړې ده.

ایراني جنرال امیر غلامعلیان ډاډ ورکوي، چې د دغه پلان په بشپړېدو سره به په پوله کې لا زيات امنيت او ثبات ټینګ شي.

ښاغلی غلامعلیان وايي، په سرحدي سیمو کې یې څلور انجېنرۍ ټېمونه ځای پر ځای کړي دي ترڅو د پولو په اږدو کې امنیتي پوستې جوړې کړي.

دغه ایرانی جنرال وايي پولې نه یوازې په فزیکي ډول بندیزي بلکې د ټیکنالوژۍ هغه ټولې اسانتیاوې پکې شاملې دي چې د پولې فزیکي خوندیتوب اداره کوي.

جنرال امير غلامعليان زياته کړه:« يادې شوې پروژې ډېر ښه پرمختګ کړى، چې شاوخوا ٣٥ کيلومتره دېوال جوړ شوى دى او که کار په همدې سرعت دوام وکړي، حتما به يې وروستي پړاو بشپړ شي.»

له دې مخکې ایراني رسنیو د دغه هېواد د پوله ساتو ځواکونو د قوماندان سردار احمد علي ګودرزي له قوله راپور ورکړی، چې د دغه هېواد په ختیځ او لوېدیځ کې له افغانستان او پاکستان سره د پولو تړل او دېوال جوړول یې په لومړیتوب کې دی.

ایرنا خبري اژانس د (تلې ۲۹مه) په خپل یوه راپور کې د ایران د پوله ساتو ځواکونو د قوماندان سردار احمد علي ګودرزي له قوله لیکلي و، چې د دغه هېواد په ختیځ او لوېدیځ کې له افغانستان او پاکستان سره په سرحدي پولو باندې د دېوال جوړولو او لارو بندولو د پلان پلي کولو موخه یې ایران ته د توکو د قاچاق، د نشه‌يي توکو د قاچاق او د ناقانونه کډوالو د ننوتلو مخنیوی دی.

د طالبانو تر واک لاندې د باختر اژانس نن سې شنبه « د لیندۍ ۲۰مه» لیکلي چې په دغه نندارتون کې د شاوخوا ۶۰ شرکتونو استازي برخه لري.

په دې نندارتون کې د پنځو ولایتونو لغمان، ننګرهار، کونړ، نورستان او کابل سوداګرو کورني تولیدات لکه مېوې، سبزي، غالۍ، تخنیکي وسایل او لبنیات نندارې ته وړاندې کړي دي.

ځايي طالب مسوولین وايی چې د لغمان کورنیو تولیداتو درې ورځنی نندارتون د ۴۰ غرفو په ګډون پرانیستل شوی دی.

د لغمان لپاره د طالبانو والي شېراحمد حقاني د یاد نندارتون د پیل په مراسمو کې وویل:«د اقتصاد حُریت او ازادۍ لپاره باید د تل لپاره له کورنیو تولیداتو استفاده وکړو، د امکان ترحده پورې باید خپل ضرورتونه له داخلي تولیداتو څخه پوره کړو، ټول مسؤلین، ادارې، خلک، سوداګر، هټۍ وال باید کورنیو تولیداتو څخه ګټه واخلي».

د طالبانو دغه چارواکي له ټولو سوداګرو وغوښتل، چې په لغمان کې د پانګونې لپاره ښه زمینه برابره ده، دلته پانګوونه وکړئ ترڅو خلکو ته د کار زمینه هم برابره شي او کورنی اقتصاد ورسره وغوړېږي.

د لغمان لپاره د طالبانو د صنعت او سوداګرۍ رئیس سلامت خان بلال وایي، چې د دغه نندارتون په ۴۰ غرفو کې کورني تولیدات درې ورځې لپاره نندارې ته وړاندې کېږي او له جوړېدو یې هدف کورنیو تولیداتو ته په کور دننه بازار موندنه ده.
په همدې حال کې طالبانو د اطلاعاتو او کلتور رییس عبدالنور رسولي بیا وویل، چې د داسې نندارتونونو په جوړېدو سره د داخلي تولیداتو د پرمختګ سربېره، د فرهنګ او کلتور په اړه هم خلک معلومات ترلاسه کوي.

شیرمحمد عباس ستانکزي د سې شنبې په ورځ « د لړم پر ۲۰مه» د نوي کابل پروژې د لومړي فاز د عملي کار د پرانېستې مراسمو ته په خبرو کې وویل، چې د زور او ظلم حکومتونه د سوریې د حکومت په څېر چې نیمه پیړۍ واکمن و، نسکوریږي.

ستانکزي وویل، « د سوریې حکومت، چې زوی او پلار کاوه، تقریبا د ۵۴ کلونو حکومت چپه شو او له منځه لاړ. د زور او استبداد حکومتونه به همیشه همدغسې وي»، نوموړي زیاته کړه چې « د فشار او د زور حکومتونو نتیجه به همدغسې وي، اخر به زوال کیږی او په داسې حالت کې به زوال کیږي چې بیا به یې خلک په تاریخ کې په بد نوم یادوي».

ستانکزی وايي، چې عادل او شرعي حکومتونه به په تاریخ کې په طلايي خط لیکل کیږي.

هغه غوښتنه وکړه چې د طالبانو نظام، حکومت او سیستم باید داسې جوړ شي، چې راتلونکی نسل پرې وویاړي.

دغه طالب چارواکی، چې ډېر وخت د طالبانو حکومت د سیاستونو منتقد پاتې شوی، وايي، خلک باید د نورو هېوادونو ګدايي ته اړ نه شي او افغانستان باید له اقتصادي، سیاسي، دفاعي او امنیتي اړخونو په خپلو پښو ودریږي.

ستانکزی داسې مهال د سوریې حکومت ته د استبداي نظام نوم ور کوي، چې طالبانو له تېرو درې نیمو کلونو راهیسې واک په انحصار کې اخستی او د خلکو حقونه، په ځانګړې توګه د ښځو حقونه یې سلب کړي او په بېلابېلو برخو کې یې ګڼ بندیزونه لګولي دي.

په دې غونډه کې د طالبانو د ریاست الوزرا اداري مرستیال مولوي عبدالسلام حنفي وویل چې د نوې ستراتیژۍ له مخې چې ددوی مشر ملا هبت الله اخوندزاده منظوره کړې، کابل ته له پنجشیر نه اوبه لېږدول کیږي او دې ته په لومړي ګام کې ۱۴۰ میلیونه ډالره بودجه په نظر کې نیول شوې.

د طالبانو بهرنیو چارو وزارت وايي« په سوریه کې د بشارالاسد د نظام له نسکرېدو وروسته د صهیونیستي یرغلګر رژیم د خپلو وحشتوتنو په دوام د سوریې پر خاوره او یو لړ نظامي تاسیسانو او شتمنیو سربرېره پر ملکي سیمو بمبار درانه ځاني او مالي تلفات رامنځته کړي دي.»

د طالبانو د بهرنیو چارو وزارت وايی چې د اسراییل دا بریدونه د هغوی د ناکامې ستراتیژۍ دوام دی، چې د منځنۍ ختیځ په بېلابېلو هېوادونو کې یې د خپلو نامشروع اهدافو ترلاسه کولو لپاره پرمخ بیايي.

طالبانو په ښکېلو سیمه ییزو او نړیوالو قدرتونو غږ کړی، چې د سوریې ملت د خپل راتلونکي په اړه مستقیل او ازاد انتخاب ته پرېږدی.

طالبان زیاتوي چې سوریايي ولس دې له هر ډول بهرنیو فرمایشونو او فشارونو پرته د خپل هېواد برخلیک په خپله وټاکي.

له دې وړاندې د طالبانو د بهرنیو چارو وزارت په یوه بله اعلامیه کې کې د بشار اسد د حکومت پر پرځېدو خوښي ښودلې او د سوریې ولس او د تحریر الشام ډلې مشرتابه ته یې د دغه «بري» له امله مبارکي ویلې وه.

طالبان داسې مهال د سوریې نویو واکمنو ته دا مشورې ور کوي، چې په افغانستان کې له واکمنېدو وروسته دې ډلې په کوردننه پر خلکو، په ځانګړې توګه ښځو ګڼ بندیزونه لګولي، واک یې انحصار کړی او له نړۍ سره یې تراوسه اړیکې نه دي رغېدلې.