احمدضیا مسعود: د ځانمرګو بریدګرو سرلاری د ځانمرګي برید له امله ووژل شو

نوموړي د طالبانو د کډوالو او بېرته راستنېدونکی چارو وزیر د ځانمرګو بریدګرو د سرلاري او د نړۍوالو تر تعقیب لاندې کس یاد کړی دی.
خلیل الرحمان حقاني د چهارشنبې په ورځ د کډوالو چارو وزارت په مقر کې د یوه ځانمرګي برید په پایله کې ووژل شو.
د مسعود په خبره: «حقاني هغسې ووژل شو، چې په وحشیانه توګه یې د افغان امنیتي ځواکونو او د بې ګناه خلکو وینې تویولې.»
نوموړي هبله څرګنده کړې، چې «خدای دې داسې یوه ورځ راولي چې د افغانستان خلک وکولی شي په یوې عادلانه محکمه کې له جنایت کوونکو څخه پوښتنه وکړي.»
نن چهارشنبه په کابل کې د طالبانو د حکومت د کډوالو او راستنېدونکو چارو وزیر د وزارت دننه له جومات څخه راوتلو، چې ځانمرګی برید پرې وشو.
داعش - خراسان ډلې د طالبانو د کډوالو چارو د وزیر خلیل الرحمان حقاني د وژنې مسوولیت پر غاړه واخیست او ویې ویل، چې نوموړی یې له څلورو ملګرو سره یو ځای په یو ځانمرګي برید کې وژلی دی.
خلیل رحمان حقاني د مولوي جلال الدین حقاني ورور او د کورنیو چارو وزیر سراج الدین حقاني تره دی، چې ددې ډلې په مهمو کسانو کې شمېرل کېده.
خلیل رحمان حقاني ډېری په جرګو مرکو او د قومونو او قبایلو د همغږۍ په چارو کې بوخت و.