نایجریا کې په یوه مذهبي جشن کې د ګڼې ګوڼې له امله لږ تر لږه ۳۲ تنکي ځوانان مړه شوي
د نایجریا یوه سیمه ییز چارواکي وویل، چې په نایجریا کې په یوه مذهبي جشن کې د ګڼې ګوڼې له امله لږ تر لږه ۳۲ تنکي ځوانان مړه شوي دي.
د نایجریا یوه سیمه ییز چارواکي وویل، چې په نایجریا کې په یوه مذهبي جشن کې د ګڼې ګوڼې له امله لږ تر لږه ۳۲ تنکي ځوانان مړه شوي دي.
دا پیښه د چهارشنبې په ورځ د نایجیریا د سویل لویدیز اویو ایالت په پلازمینه عبادان کې په یوه اسلامي ښوونځي کې رامینځته شوې، چیرې چې د راپورونو له مخې تر ۵ زرو تنکي ځوانان د جشن لپاره راټول شوي وو.
د اویو ایالت د اطلاعاتو او مدني چارو کمیشنر دوتون اویلاد خبریالانو ته وویل، چې لږ تر لږه ۳۲ کسان وژل شوي دي.
د اسوشیټیډ پرس خبري اژانس د راپور له مخې، د سیمې څخه ویډیوګانو کې چې د پیښې ځای پکې ښکاري د ماشومانو لویه ډله ښیي چې ځیني یې ځایي روغتونونو ته لیږدول شوي دي.
د ایالت والي سیي ماکینډ پر اېکس پاڼې په یوه بیان کې وویل، چې سیمي ته امنیتي ځواکونه لیږل شوي چې پاتې کسان له سیمي وباسي او وضعیت کنترول کړي.
ماکینډ وویل: "دا یوه ډیره غمجنه ورځ ده. موږ له هغو مورانو او پلرونو سره خواخوږي لرو چې خوښۍ یې ناڅاپه د دې پېښې له امله په ماتم بدله شوې."
