د پاکستان د بهرنیو چارو وزارت: د جعفر اکسپریس اورګاډي په پېښه کې هند لاس درلود

هغه پر اېکس پاڼه کاږلي:« کله چې د هېواد یو سیاسي ګوند د ترهګرو ژبه کاروي او په سخت وخت کې د هېواد د ساتونکو د ملاتړ پر ځای د واک څخه د بې برخې کېدو له امله په خواله رسنۍ کې مخالفه ژبه کاروي؛ نو باید له سیاسي ګټو هاخوا ملي یووالي وښیو.»

تر دې وړاندې د پاکستان د پوځ ویاند احمدشریف چوهدري هم ادعا کړې وه، چې د برمته‌ شویو کسانو د نیول‌ کېدو دغه پلان په افغانستان کې د بلوڅ بېلتون‌ غوښتونکو له‌خوا جوړ شوی و.

د هغه په ​​وینا:« بریدګر د تصفیوي عملیاتو پرمهال د سټلایټ ټېلیفون له لارې په افغانستان کې له خپلو پلان‌ جوړوونکو او هدایت‌ کوونکو سره په اړیکه کې وو.»
د پاکستان پوځ بېګا خبر ورکړ، چې په بولان کې یې د بلوځ بېلتون‌پاله ډلې ټول بریدګر وژلي او دغه عملیات پای ته رسېدلي.

د پاکستان د پوځ په وینا، د دغو عملیاتو په پایله کې ۳۳ وسله‌وال وژل شوي او کوم برمته‌ شوي کس ته زیان نه دی اوښتی او د تصفیوي عملیاتو له پیلېدو مخکې د بلوڅ وسله‌والو له‌خوا ۲۱ مساپر وژل شوي وو.

ورځپاڼه زیاتوي، طالبانو چې یو وخت یې د پاکستان پراخ ملاتړ لاره؛ اوس په پراخه کچه د «ټي‌ټي‌پي» ملاتړ کوي او هڅه یې دا ده، چې د دوی په څېر په یاد هېواد کې هم د «پاکستان اسلامي امارت» تر نامه لاندې حکومت رامنځته کړي.

راپور کاږي، د ایران حکومت په داسې حال کې طالبانو ته مشروعیت ورکړی چې یاده ډله په ښکاره توګه د «ټي‌ټي‌پي» ملاتړ کوي او یاده ډله غواړي په پاکستان کې د «اسلامي امارت» تر چتر لاندې حکومت رامنځته کړي.

د جمهوري اسلامي ورځپاڼې په باور «ټي‌ټي‌پي» هڅه کوي په پاکستان کې داسې حکومت رامنځته کړي چې د اسلامي شریعت سختدریځه تفسیر پر بنسټ ولاړ وي. دې حالت نه یوازې د پاکستان دننه امنیت ته تاوان رسولی؛ بلکې د ټولې سیمې ټیکاو یې هم له ګواښ سره مخ کړی دی.

ورځپاڼه زیاتوي، ایران هم د طالبانو له لوري له زیاتېدونکو ګواښونو سره مخ دی.

د راپور له مخې ډېر شمېر افغانان ایران ته داخل شوي، چې ځینې یې له وسلو او مهماتو سره له پولې ور اوښتي او ادعا کېږي چې د ایران ضد دریځونه لري.

په سرمقاله کې د ایران سمنان ولایت په یوه وروستۍ پېښه کې د یوه افغان کاريګر له‌خوا د یوه ایراني هټۍوال د وژل کېدو یادونه شوې.

جمهوري اسلامي ورځپاڼې زیاته کړې، چې د افغان کډوالو په منځ کې د وسله‌والو او افراطي کسانو حضور په دغه هېواد کې امنیتي اندېښنې لا زیاتې کړې دي.

د ورځپاڼې له مخې، اوس‌مهال د ایران څه باندې لس سلنه نفوس افغان کډوال جوړوي چې دا سلنه د ملګرو ملتونو د ثبت شویو کډوالو پرتله درې سلنه لوړه ده.

د ایران دننه کارپوهان په دې باور دي، چې د دوی حکومت د امنیتي او کډوالۍ ستونزو په حل کې پاتې راغلی.

ورځپاڼې خبرداری ورکړی، که دغه ګواښونه جدي ونه نیول شي؛ نو پایلې به‌ یې نه یوازې افغانستان او پاکستان ته محدودې پاتې شي، بلکې د سیمو ټولو هېوادونو په ګډون به ایران هم له ستر امنیتي ناورین سره مخ کړي.

یاده ورځپاڼه همدا راز کاږي، هند لا تر اوسه پورې هم په دې نه دي قانع چې طالبان په رسمیت وپېژني؛ ځکه دوی باور لري چې افغانستان کې اوس هم «۲۵ ترهګرې ډلې» فعالې دي.

یادې رسنۍ ویلي، چې په پاکستان کې د «ټي‌ټي‌پي»، د پلوڅ بېلتون پالو، داعش خراسان څانګې او د افغان طالبانو غیر مستقیم نفوذ په یاد هېواد کې وسله‌والې شخړې زیاتې کړې دي.

که څه هم یادې ډلې جلا جلا موخې لري؛ خو په ګډه یې د پاکستان امنیت، اقتصاد او واکمني له ګواښ سره مخ کړې ده.

د نړۍوال ترهګرۍ شاخص د راپور له مخې، په ۲۰۲۴ کال کې په پاکستان کې د ترهګریزو بریدونو له امله مرګ ‌ژوبله ۴۵ سلنه زیاته شوې ده.

د ۲۰۲۳ کال پرتله چې ۷۴۸ کسان وژل شوي وو، دغه شمېره په ۲۰۲۴ کال کې ۱۰۸۱ کسانو ته رسېدلې ده.

د افغان طالبانو رول؛ ټي‌ټي‌پي ته خوندي پناه ځایونه ورکول

د ټاېمز اف اېنډیا د مقالې له مخې، که څه هم افغان طالبان په مستقیم ډول پاکستان نه په نښه کوي؛ خو د پاکستاني طالبانو له تحریک سره د مالي او لوژستیکي ملاتړ تورونه پرې لګول شوي دي.

دغه وسله‌واله ډله چې له ۲۰۲۱ کال وروسته د طالبانو له واکمنۍ راهیسې زړوره شوې، په پاکستان کې یې خپل بریدونه چټک او پراخ کړي دي.

ډیورنډ کرښه د «ټي‌ټي‌پي» جنګیالیو لپاره لوژستیکي مرکز ګرځېدلې.

د ملګرو ملتونو یوه وروستۍ څېړنه چې د ۲۰۲۵ کال د فبرورۍ میاشتې کې خپره شوې، ښيي چې افغان طالبانو «ټي‌ټي‌پي» ته اجازه ورکړې چې په کونړ او ننګرهار کې خپل روزنیز کمپونه پرانیزي. همدا لامل دی، چې دغه ډله نه یوازې بیا تنظیم شوې؛ بلکې خپل مرګوني بریدونه یې هم زیات کړي دي.

د وسله‌والو ډلو همکاري؛ پاکستان ته څو اړخیز ګواښ

د هندي رسنۍ مقاله زیاتوي، اوس داسې ښکاري چې څلور وسله‌والې ډلې سره له دې چې جلا کار کوي؛ خو د پاکستان د امنیتي کمزورۍ له فرصته په ګټې اخیستو سره یې غیرمستقیمه همغږي رامنځته کړې او خپلو بریدونو ته یې زور ورکړی دی.

د پاکستاني طالبانو تحریک: په ۲۰۲۴ کال کې دغه ډله د ۵۵۸ کسانو د وژلو مسووله بلل شوې او ټولټال یې د ۴۸۲ بریدونه کړي دي.

دغه بریدونه چې له ۲۰۱۱ کال راهیسې تر ټولو لوړ شمېر دی، اکثره په خیبر پښتونخوا او د ډیورنډ کرښې ته څېرمه سیمو کې شوي.

د «ټي ټي پي» جنګیالي له افغانستانه په ازاده توګه پاکستان ته راوړي او چریکي بریدونه کوي.

د بلوچستان ازادۍ پوځ: دغه ډله د پاکستان د دولتي تاسیساتو، امنیتي ځواکونو او د چین-پاکستان اقتصادي دهلیز پروژو ته زیان رسوي.

د بلوچستان په یوه اورګاډي وروستی برید او د جنورۍ په میاشت کې په کوټه کې ځانمرګي برید چې ۲۵ کسان پکې ووژل شول؛ دا ثابته کړې چې بلوڅ بېلتون پاله ډله د پاکستان اقتصادي ګټو ته تاوان رسوي.

داعش خراسان څانګه: داعش خراسان هم خپل حضور په پاکستان کې پراخ کړی دی.

دغه ډله، چې د فرقه‌يي بریدونو لپاره بدنامه ده؛ (د فبرورۍ په ۲۸مه) یې د خیبر پښتونخوا په یوه دیني مدرسه کې ځانمرګی برید وکړ، چې ۶ کسان پکې ووژل شول او په وژل شویو کې د طالبانو ملاتړی یو مشهور دیني عالم مولانا حامد الحق هم شامل و.

افغان طالبان: که څه هم افغان طالبان په مستقیم ډول پاکستان ته ګواښ نه کوي؛ خو له «ټي‌ټي‌پي» سره یې ملاتړ، د پاکستان امنیتي ستونزه لا پېچلې کړې ده.

اسلام‌اباد څو ځله له کابل غوښتي، چې د یادې وسله ‌الې ډلې پر پټنځایونو عملیات وکړي؛ خو دغه غوښتنې تر اوسه بې‌ځوابه پاتې دي، چې د دواړو هېوادونو اړیکې یې نورې هم ترینګلې کړې دي.

ټاېمز اف اېنډیا خبرداری ورکړی، که پاکستان د ترهګرۍ ضد ژوره تګلاره غوره نه کړي؛ نو دا به له سختې بې ثباتۍ، اقتصادي کړکېچ او ان د ټوټه کېدو له ګواښ سره مخ شي.

په مقاله کې خبرداری ورکړل شوی، که دغه سناریو رامنځته شي؛ نو د پاکستان او سیمې په ګډون د نړۍ امنیت ته جدی ګواښونه پېښولای شي.

نوموړي دغه راز ویلي: «د بې‌ګناه خلکو د ژوند او مال زیانمنونکي نه له اسلام سره اړیکه لري او نه هم له دې هېواد سره. موږ هوډ لرو چې د بې‌ګناه خلکو برید کوونکي به په هر ډګر کې ماتوو او تر هغه چې په هېواد کې ترهګري له‌منځه نه وي وړل شوی، زموږ جګړه به روانه وي.»

پاکستاني رسنیو راپور ورکړی، چې شهباز شریف به نن د بلوچستان د خلکو سره د یووالي د څرګندولو لپاره دغه ایالت ته سفر وکړي.

نوموړی به د امنیتي وضعیت د ارزونې غونډې مشري هم وکړي.

له دې وړاندې، د شهباز شریف له لوري په ټولنیزو رسنیو کې خپور شوي بیان کې راغلي وو، چې پر جعفر اېکسپریس بریدونه د پاکستان د سولې هوډ نه شي کمزوری کولی.

نوموړي ویلي و، چې د عملیاتو پر مهال لسګونه ترهګر له منځه وړل شوي دي.

هغه زیاته کړه، چې د بلوچستان له وزیراعلی سرفراز بګټي سره یې اړیکه نیولې او هغه د جعفر اېکسپریس پر ترهګریز برید د وروستیو حالاتو په اړه معلومات ورکړي.

شهباز شریف وویل، چې ټول ملت د دې ناوړه عمل او د بې‌ګناه خلکو د ژوند د ضایع کېدو له امله غمجن او خواشینی دی.

څو ساعته مخکې د پاکستان پوځ وویل، چې په بلوچستان ایالت کې د جعفر اېکسپرېس رېل‌ګاډي د برمته‌شویو کسانو د ژغورنې عملیات په بریالي ډول پای ته رسېدلي او زیاتوي، چې په دغه رېل‌ګاډي کې ټول بلوڅ بیلتون‌غوښتونکي وسله‌وال وژل شوي دي.

د پاکستان پوځ ویاند احمدشریف چوهدريویلي، بریدګرو د ښځو او ماشومانو په ګډون یو شمېر مسافر د انساني ډال په توګه کارول او د برمته‌شویو کسانو په منځ کې یې ځانمرګي بریدګر ځای‌پر‌ځای کړي وو، چې دغه کار د ژغورنې عملیات له خنډ سره مخ کړل.

چوهدري زیاته کړې: «د امنیتي ځواکونو نښه‌ویشتونکو وکولال شول چې ځانمرګي بریدګر ووژني. د عملیاتو په پایله کې ۳۳ وسله‌وال وژل شوي او کوم برمته‌شوي کس ته زیان نه دی رسېدلی. د تصفیوي عملیاتو له پیلېدو مخکې د بلوڅ وسله‌والو له خوا ۲۱ مسافر وژل شوي وو.»

د پاکستان پوځ ویاند احمدشریف چوهدري د چهارشنبې په ورځ (د کب ۲۱مه) ادعا کړې، چې د برمته‌شویو کسانو د نیول‌کېدو دغه پلان په افغانستان کې د بلوڅ بېلتون‌غوښتونکو له‌خوا جوړ او هدایت شوی دی.

د هغه په ​​وینا: «بریدګر د تصفیوي عملیاتو پرمهال د سټلایټ ټېلیقون له لارې په افغانستان کې له خپلو پلان‌جوړوونکو او هدایت‌کوونکو سره په اړیکه کې وو.»

د پاکستان پوځ ویاند ویلي، بریدګرو د ښځو او ماشومانو په ګډون یو شمېر مسافر د انساني ډال په توګه کارول او د برمته‌شویو کسانو په منځ کې یې ځانمرګي بریدګر ځای‌پر‌ځای کړي وو، چې دغه کار د ژغورنې عملیات له خنډ سره مخ کړل.

چوهدري زیاته کړې: «د امنیتي ځواکونو نښه‌ویشتونکو وکولای شول چې ځانمرګي بریدګر ووژني. د عملیاتو په پایله کې ۳۳ وسله‌وال وژل شوي او کوم برمته‌شوي کس ته زیان نه دی رسېدلی. د تصفیوي عملیاتو له پیلېدو مخکې د بلوڅ وسله‌والو له خوا ۲۱ مسافر وژل شوي وو.»

نوموړي د بلوڅ بېلتون‌غوښتونکو د دغه برید په تړاو د نورو جزیاتو له ورکولو پرته ټینګار کړی، چې ټول وسله‌وال په سیمه کې وژل شوي، خو زیاتوي چې ځانګړي ځواکونه لا هم په سیمه لګیا دي تصفیه او د چاودېدونکو توکو څېړنه کوي.

همداراز هغه ویلي، یو شمېر هغه برمته‌شوي کسان چې د پاکستاني پوځ د عملیاتو پرمهال شاوخوا سیمو ته تښتېدلي، راټولېدنه پلټنه یې روانه ده.

له دې مخکې بلوڅ بېلتون‌غوښتونکو په یوه بیان کې ویلي و، چې د پاکستان پوځ د عملیاتو په غبرګون کې یې ۵۰ پاکستاني امنیتي سرتېري وژلي دي.

د بلوڅ‌ بېلتون‌ غوښتونکو له‌خوا د ټېلګرام له لارې په خپاره شوي بیان کې راغلي، چې دوی دغه اقدام د برمته‌شویو کسانو د تبادلې پر سر د خبرواترو له ناکامۍ وروسته کړی دی.