سړک پاکوونکې مېرمن څنګه په یوه شپه کې یوه پېژندل شوې ماډله شوه؟

دغه ۲۸ کلنه ټایلنډۍ مېرمن نوپاجیت مین سومبونسیت نومیږي. د نوموړې د شهرت کیسه له دې ځایه شروع شوه، چې د روسیې تبعه انځور اخیستونکي ریژچیکوف د سړک د پاکولو پر مهال ولیده.

دغه مېرمن په بنکاک کې د سرک په پاکولو بوخته وه چې روسي انځور اخیستونکي ولیده او له ښکلا یې متاثره شو. انځور اخیستونکي د نوموړي انځورونه او ویډيو بغېر له دې چې اجازه ترې واخلي واخیستل او هغې ته یې وښودل چې څومره ښکلې ده.

ریژچیکوف د نوموړې ویډيو د سوشیل میډيا په پلیټ فارم ټيک ټاک کې خپره کړه او دغه ویډيو چې ډېر لیدونکو یې درلودل چې له امله یې د سومبونسیت ژوند بدل شو.

ددغه ویډيو له خپرېدو وروسته د نوموړې ښکلا د ماډلینګ ادارو توجه جلب کړه او نوموړې یې ماډلینګ ته راوبلله.

له دې وروسته یو تایلنډی پېژندل شوی میک اپ کوونکی د نوموړې میک اپ وکړ، دغه مېک اپ د نوموړې ښکلا څو برابره زیاته کړه او یادې مېرمنې ماډلینګ ته مخه کړه.

دغه مېرمن اوس د تایلنډ کاسمیټکس برانډ لپاره د ماډلې په توګه کار پیل کړی چې نوم یې نانګ چیټ بروویټ دی.

نوپاجیت مین سومبونسیت اوس سړک پاکوونکې مېرمن نه ده بلکې یو پېژندل شوې ماډله ده چې د بېلابېلو تولیداتي شرکتونو له‌خوا ورته د خپلو تولیداتو د ننداره کولو لپاره وخت اخیستل کیږي.

که تاسو هم غواړۍ خپل تولیدات او په ځانګړې توګه د ښکلا اړوند تولیداتو ته مو اعلانات وکړئ نو له نوپاجیت مین سومبونسیت څخه باید له وړاندې وخت واخلئ.

له تایلنډي رسنیو سره په مرکه کې نوپاجیت سومبونسیت ویلي، "هغې له شاوخوا یو کال راهیسې د سړکونو پاکولو کار کاوه او له خپلې دندې ډېره خوشاله وه، خو په ژوند کې یې دا ناڅاپي بدلون د هغې لپاره حیرانوونکی او له تمې پورته و."