د اسحاق ډار په مشرۍ یو لوړ پوړی پاکستانی پلاوی کابل ته ورسېد

د احمديه مذهبي لږکیو ټولنې وياند امير محمود رسنیو ته ویلي، چې د ۱۰۰ او ٢٠٠ کسانو تر منځ يوې ډلې د دوی پر عبادت ځاى ډله ییز بريد وکړ، او د احمدیه مذهب یو ۴۷ کلن پېرو چې د موټرو ورکشاپ یې درلود، په ډبرو ویشتلو او چړو وهلو وواژه.

د کراچۍ ښار د صدر سیمې د پولیسو مشر محمد صفدر د احمدیه مذهبي لږکیو د دغه غړي وژل تایید کړي دي.

صفدر رویټرز خبري اژانس ته وویل، چې د قهرجنو له خورولو وروسته یې په عبادت ځای کې بند پاتې ۱۵ تنه ژغورلي دي، خو د احمدیه ټولنې ویاند امیر محمد په وینا په ودانۍ کې د محاصره شویو کسانو شمېر ۳۰ تنه یاد کړی.

د یادولو وړ ده، چې په پاکستان کې احمدیه ډله یو مذهبي اقلیت دی، چې د ځینو دودیزو مسلمانانو لخوا مرتد ګڼل کېږي.

له بلې خوا د پاکستان د قانون له مخې، د احمدیه ټولنې غړي د خپل ځان د مسلمان په توګه پېژندلو او هم د اسلامي سمبولونو له کارولو څخه منعه دي.

په پاکستان کې دغه مذهبي اقلیتي ډله په ټاکنو کې د ګډون په بندیز سربېره د دوامداره مذهبي تاوتریخوالي، تبعیض او محرومیتونو سره مخ دي.

د طالبانو د یاد ریاست د رییس عبدالباري راشد په وینا، په وژل شویو کسانو کې څلور ښځې، یو ماشوم او خپله موټر چلوونکی شامل دي.

د پېښې لامل د موټرچلوونکي بې احتیاطي بلل شوې ده.

تر دې یوه میاشت وړاندې هم د ګرمسېر په ډراب هشت سیمه کې د بغرا همدې ویالې ته د یوه بل موټر د لوېدو په بېښه کې درې کسان مړه شوي و او څلور نور ژوبل شوي وو.

هم مهاله په هلمند کې د طالبانو امنیې قوماندانۍ خبر ورکړی، چې د ټرافیکي اصولو د پلي کیدو په موخه یې یو کمپاین هم ترسره کړی دی.

په خبرپاڼه کې راغلي، چې د دغه کمپاین په لړ کې د لښکرګاه په اتمې ناحیې او او ناوې ولسوالۍ کې له یو شمېر موټرو او موټرسایکلونو څخه د تېزې روښنایۍ څراغونه هم لرې کړي دي.

دغه سازمان په خبرپاڼه کې زیاته کړې، چې په دې وروستیو کې د طالبانو استخباراتو د دویم ځل لپاره خبریال سید راشد کاشفي په کابل کې نیولی دی.

د افغانستان د خبریالانو مرکز د یوې سرچینې په حواله ویلي، چې طالبانو دغه نیول شوې خبریال له بهرنیو رسنیو سره د همکارۍ په تور څو کاله وړاندې هم نیولی او شکنجه کړی وو.

د افغانستان د خبریالانو د خوندیتوب کمېټې پرون وویل چې راشد کاشفي د رسا ټلویزیون او کابل ټایمز خبریال دی.

د افغانستان د خبریالانو د مرکز د شمېرو له مخې، پر راشد کاشفي سربېره لږ تر لږه نهه نور خبریالان او د رسنیو کارکوونکي یا د طالبانو په زندانونو کې دي او یا هم د دې ډلې په زندانونو کې د خپل محکومیت شپې سبا کوي.

له دوی څخه شپږ یې د اوو میاشتو څخه تر درېیو کلونو پورې په بند محکوم شوي دي.

دغه مرکز زیاتوي: «د ټولنیزو رسنیو د قانون له مخې، چې د طالبانو د واکمنې ادارې د اطلاعاتو او کلتور وزارت یې هم د پلي کېدو وړ بولي، خبریالان په خپل مسلکي کار کې ازاد دي او شته مسوولان باید د هغوی په کار کې محدودیت رامنځته کولو او ګواښولو پرته د هغوی له کارونو ملاتړ وکړي.»

یاد مرکز په یوه خپاره کړي تازه راپور کې ویلي، چې په ۱۴۰۳ کال کې د امر بالمعروف او نهي عن المنکر نوي قانون له خپرېدو سره، محتسبانو (مذهبي پولیسو) ته پراخ واکونه ورکړل شوي، هغوی د یاد قانون پر بنسټ د خلکو په ځانګړې ډول د خبریالانو چارو کې لاسوهنه کوي.

همداراز محتسبان د رسنیو له کړنو څخه د څارنې ترڅنګ هر کله چې وغواړي، په مستقيمه توګه یا د استخباراتو له ادارې سره په همغږۍ د رسنيو پر وړاندې اقدام کوي.

د افغانستان د خبریالانو مرکز خبرداری ورکړی، چې د خبریالانو دوامداره توقیف د بیان ازادي ګواښي او له بشري حقونو څخه سرغړونه ده.

د طالبانو د یاد وزارت له لوري د (وري ۲۹مه) د جمعې په ورځ په خبرپاڼه کې ویل شوي، چې اسلام اباد ته د دوی تللي پلاوي د پاکستان د کورنیو چارو له مرستیال وزیر محمد خرم اغا سره په یادو مسایلو خبرې کړي دي.

نورالدین عزیزي په دغه ناسته کې له پاکستان نه همدا راز غوښتي، چې په زور د افغان کډوالو د ستنیدو بهیر دې ودروي.

هغه غوښتنه کړې، چې په داوطلبانه توګه د کډوالو ستنیدو لپاره باید د ملګرو ملتونو د کډوالو عالي کمېشنرۍ (UNHCR) په ګډون یوه درې اړخیزه کمېټه جوړه شي، څو د ستنیدو بهیر مدیریت کړي.

عزیزي ویلي، چې دغه کمېټه به همدا راز پر یو داسې میکانیزم کار وکړي، څو له مخې یې د ستنیدونکو کسانو د توکو لېږد، د شويو پانګونو خوندیتوب او حقوقي مسایلو ته رسېدنه وکړي.

پاکستاني لوري په دغه ناسته کې طالبانو ته یادونه کړې، چې د قانوني اسنادو یا د کډوالۍ کارت لرونکو افغان کډوالو ته یې د ستنیدو لپاره وخت ورکړی او افغانانو په ګډون به د ټولو بې اسناده بهرنیانو د ایستل کیدو بهیر به همداسې روان وي.

د پاکستان د کورنیو چارو وزارت چارواکو په یاده ناسته کې طالبانو ته زیاته کړې، چې له دې هېواده ایستل کیدونکي افغانان نه زنداني کېږي او یوازې د ایستل کیدو په موخه د حاجیانو کمپونو ته وړل کېږي، او له یو لړ اداري بهیر څخه تر تېرېدو وروسته یې باسي.

طالبان داسې مهال له پاکستان نه د افغان کډوالو د ایستل کیدو په تړاو له اسلام اباد سره خپلې اندېښنې شریکوي، چې ویل کېږي دغه ډله د سخت ناورین او اقتصادي ستونزو له کبله دا توان نه لري څو په کور دننه د ستنیدونکو افغانانو لپاره د سرپناوو، روزګار او ژوند نورې اړینې اسانتیاوې برابرې کړي.

پاکستان د اپرېل له لومړۍ نېټې څخه د (اې سي سي) یا افغان وګړو د تابعیت کارت لرونکو او بې اسنده افغانانو د ایستل کیدو بهیر پیل کړی دی.

د پاکستاني چارواکو په وینا، له یادې نېټې راهیسې ۸۰ زره کسان خپل هېواد ته ستانه شوي دي. هم مهاله د پښتونخوا ایالتي حکومت خبر ورکړی، چې د دغو شمېرو له مخې یوازې د تورخم له لارې پاکستان ۴۲ زره افغانان په روان بهیر کې په زور ایستلي دي.

د کډوالۍ یو شمېر نړۍوالو سازمانونو د‌ پاکستان له لوري په جبري توګه د افغان کډوالو د ستنیدو بهیر ظالمانه بللی او پر یاد هېواد یې غږ کړی، چې ژر تر ژره دې دا لړۍ ودروي، خو پاکستان دا ځل دغو غوښتنو ته چندان ارزښت نه دی ورکړی.

د انډیپېنډنټ ورځپاڼې د راپور له مخې، دا غوښتنه د ډاکې په هغه غونډه کې وشوه چې د دواړو هېوادونو د بهرنیو چارو وزیرانو، جسیم الدین معین او امنه بلوچ په کې برخه لرله.

د پاکستان او بنګله دېش لوړ پوړو چارواکو تېره ورځ د بنګله‌دېش په پلازمېنه ډاکه کې په یوه غونډه کې ګډون وکړ، چې د یادې لیدنې پر مهال بنګله ديشي چارواکو له خپلو پاکستاني سيالانو وغوښتل، چې پاکستان دې د ۱۹۷۱کال د جګړې پر مهال د ترسره شويو جرمونو له امله بښنه وغواړي.

هغه جګړه د بنګله دېش د ازادۍ لپاره شوې وه.

د بنګله دېش د رسمي شمېرو له مخې، له پاکستان څخه د ازادۍ لپاره د دغه هېواد په نهه مياشتنۍ جګړه کې شاوخوا درې ميليونه کسان وژل شوي وو.

همدا راز بنګله دېش له پاکستان څخه د ۴.۵۲ میلیارده ډالرو مالي تاوان غوښتنه کړې، او ویلي یې دي، چې دا پیسې په بهرنیو ذخیرو کې د بنګله دیش د برخې، د حکومتي کارمندانو تقاعد او بهرنۍ مرستې دي چې د بنګله دیش له خپلواکۍ وروسته دا موضوع نا حل پاتې شوې ده.

د بنګله دیش د بهرنیو چارو وزیر جسیم الدین معین له خپلې پاکستانۍ سیالې امنه بلوچ سره تر لیدنې وروسته په یوه خبري غونډه کې وویل: «موږ له پاکستان سره په ناحل شويو تاریخي مسلو خبرې وکړې، چې په کې رسمي او عامه بښنه او مالي ادعاوې شاملې دي.»

هغه زیاته کړه: «پاکستان موږ ته ډاډ راکړ چې دا مسلې به حل شي. د دې مسلو حل کول زموږ د دوه اړخیزو اړیکو د قوي بنسټ ایښودلو لپاره اړینې دي.»

د پاکستان د بهرنیو چارو وزیره امنه بلوچ د تېرې چهارشنبې په ورځ په یوه رسمي سفر ډاکه ته ورسېده، خو د هغې د سفر په اړه پاکستان لاتر اوسه پورې څه نه دي ویلي.

د یادولو وړ ده، چې د دغه لیدنې پر مهال د بنګله دېش حکومت په دغه هېواد كې د بند پاتې ۳۲۴۰۰۰ پاكستانيانو د ستنېدو مسله هم راپورته کړې ده.

دغه پاکستاني وګړي د "بهاري" په نوم پیژندل کیږي، چې د پاکستان او بنګله دیش تر جګړې وروسته له پنځو لسیزو راهیسې د کډوالو په پنډغالو کې ژوند کوي