پاکستاني سرچينې: د پاکستان هوایي ځواک او پوځ اوسمهال د هند د بريد ځواب ورکوي
پاکستاني رسنيو ویلي، چې د پاکستان هوايي ځواک او پوځ اوسمهال د هند د بريد ځواب ورکوي. د راپورونو له مخې، د پاکستان پر هوايي حریم ټول پروازونه لغوه شوي دي. د سرچينو د معلوماتو له مخي، د پاکستان پر هوایي حریم ټول پروازونه لغوه شوي او خپل مسیرونه یې بدل کړي دي.
د پاکستان د پوځ ویاند اعلان وکړ، چې پر پاکستان د هند د برید له امله ۳ کسان وژل شوي او ۱۲ نور ټپيان دي.
سرچینو دا هم ویلي، چې پاکستان له خپلو هوایي ډګرونو ټولې الوتنې وځنډولې او د پاکستان پر هوايي حریم هم ټول پروازونه لغوه شوي دي.
د دواړو هېوادونو پوځيان د تیار سي په حال کې دي.
پر پاکستان د هند د بريد ویډوګاني هم افغانستان انټرنشنل ته رسېدلي او په کې ښکاري، چې یو شمېر کسان په ټپي حالت کې روغتون ته وړل شوي.