پاکستاني سرچينې: د پاکستان هوایي ځواک او پوځ اوسمهال د هند د بريد ځواب ورکوي

د پاکستان پوځ د سې‌شنبې په ورځ اعلان وکړ چې «هند څو شېبې مخکې د پاکستان په خاوره کې پر درېیو نقطو توغندیز برید وکړ.»

د پاکستان پوځ یوه ویاند د دغه هېواد رسنیو ته زیاته کړه، چې دوی به د هند برید ته ځواب ورکړي.

عیني شاهدانو رویټرز خبري اژانس ته وویل، چې د پاکستان تر ولکې لاندې د کشمیر د مظفراباد ښار په شاوخوا غرونو کې د څو چاودنو غږونه واورېدل شول.

د عیني شاهدانو په وینا، له چاودنو وروسته د دغه ښار برېښنا هم پرې شوه.

دا لا تر اوسه روښانه نه ده، چې د دې چاودنو لامل څه دی.

رسمي سرچینو د سې شنبې په ورځ (د غویي ۱۶مه) ویلي، دا چاودنه هغه مهال وشوه چې امنیتي ځواکونو د سیمې د څارنې عملیات ترسره کول.

د پاکستان پوځ او امنیتي ادارو ددې چاودنې د څرنګتیا او مرګ ژوبلې په اړه تراوسه څه نه دي ویلي.

بلوچستان ایالت په دې وروستیو کې د بېلتون غوښتونکو د بریدونو او امنیتي ناکراریو شاهد دی.

د پاکستان دفاع وزیر خواجه اصف پرون ادعا وکړه، چې په دغه ایالت او خیبر پښتونخوا کې د جنګیالیو فعالیتونه له افغانستان نه د هند په ملاتړ کیږي.

پاکستاني رسنیو نن رپوټ ورکړی و، چې د هند استخباراتي اداره غواړي په بلوچستان کې ځانمرګي بریدونه پلان کړي.

په افغانستان کې واکمن طالبان، هند او پاکستاني طالبان د ډوله تورونه ردوي.

د پاکستان د بهرنیو چارو وزارت د سې شنبې په ورځ (د غویي۱۶مه) پر اېکس‌پاڼه ولیکل، چې دوی په خپلو خبرو کې د سوداګرۍ، اقتصادي همکارۍ، سیمه‌ییزو اړیکو او سیاسي سلا مشورو د بېرته فعالولو په تړاو پرمختګونه وڅېړل. دواړو خواوو ټینګار کړی، چې د سولې او امنیت د ټینګښت لپاره دوامداره اړیکې اړینې دي.

دکستان د بهرنیو چارو وزارت وايي، ډار متقي ته د هند له‌خوا د پاکستان پر وړاندې د وروستیو اقداماتو په اړه معلومات ورکړل او ویې ویل چې پاکستان د سولې او خپل حاکمیت د ساتنې پر ژمنتیا کلک ولاړ دی.

متقي په سوداګرۍ کې د اسانتیاوو له امله له ډار څخه مننه کړې او یو ځل بیا یې د افغانستان د سفر بلنه ورکړې.

د پاکستان د بهرنیو چارو وزارت وایي، دغه ټلیفوني خبرې د دواړو هېوادونو ترمنځ اوږدمهاله همکارۍ ته د پرمختګ لار هواروي، چې د سیمې او نړۍ په کچه سولې او امنیت ته وده ورکړي.

د طالبانو د بهرنیو چارو وزارت تراوسه د امیرخان متقي او اسحاق ډار د ټلیفوني خبرو په اړه څه نه دي ویلي.

د‌ پاکستان د بهرنیو چارو وزیر اسحاق ډار د یوه پلاوي په مشرۍ د وري پذ ۳۰مه کابل ته سفر کړی و چې له بېلابېلو طالب چارواکو سره یې پر سوداګرۍ، اقتصادي همکارۍ، د خلکو ترمنځ او سیمه‌ییزو اړیکو او سیاسي سلا مشوروخبرې کړې وې.

یاده اعلامیه، چې د طالبانو د «عمر میډیا» له لارې خپره شوې، ټینګار کوي چې جګړه یوازې د طالبانو نه، بلکې د سیمې د ټولو خلکو ده، ځکه د دوی په وینا،«هغه خاوره، عزت، کلتور او طبیعي سرچینې چې تر اشغال لاندې دي، د ټولو ګډ ملکیت دی».

د یادې ډلې ویاند محمد خراسانی وايي، « دا دښمن یوازې د مجاهدینو نه، بلکې د ټول ولس دښمن دی. دا هغه قوت دی چې زموږ پر خاوره یې زور راوړی، زموږ کلتور یې له منځه وړی، او زموږ ولس یې بې‌ځایه کړی دی».

خراساني وايي، د پخوا په څېر که علماء، مشران او ځوانان یو موټی شي، نو د دوی په وینا، دا « کرایه شوي پوځیان به ژر له سیمې وتښتي».

هغه ادعا کوي چې د تحریک تېرو ناکامیو یو لامل د عام ولس او «مجاهدینو» تر منځ واټن و، چې د دښمن له‌خوا جوړ شوی و، خو دا واټن باید نور ختم شي.

په اعلامیه کې ویل شوي چې ولس نور د هجرتونو توان نه لري، « خلک نور له کډوالۍ ستړي شوي، دوی اوس خپل کورونه بیا اباد کړي دي. که دښمن یو ځل بیا د دوی ایستل غواړي، نو باید ټول مشران او علماء دا هڅې شنډې کړي».

دا اعلامیه داسې مهال خپرېږي چې څو ورځې وړاندې د سویلي وزیرستان په مرکز واڼه کې په زرګونو خلکو د امن لاریون وکړ او له ښکیلو اړخونو یې وغوښتل، چې ددوی سیمې ته جګړه ور نه وړي.

د پاکستان حکومت تر دې دمه په رسمي ډول د دې اعلامیې په اړه غبرګون نه دی ښودلی.

د راپور له مخې، په غونډه کې ټولو ګډونوالو د دواړو هېوادونو ترمنځ د تاوتریخوالي کمولو غوښتنه وکړه او د پاکستان لپاره یې سختې پوښتنې راپورته کړې.
دغه غونډه تېره ورځ د پاکستان په غوښتنه د ملګرو ملتونو د امنیت شورا د مشر له‌خوا تنظیم شوې وه.
په دغه غونډه کې د ملګرو ملتونو د امنیت شورا ۱۵ غړو ګډون لاره.
د سیاسي او سولې په چارو کې د منځني ختیځ، اسیا او ارام سمندر لپاره د تونس مرستیال سرمنشي خالد محمد خیري له غونډې څخه د وتلو پر مهال وویل، چې په غونډه کې د خبرو اترو او د شخړې سوله‌ییز حل غوښتنه شوې ده.
هغه زیاته کړه، چې اوس‌مهال وضعیت بې ثباته دی.
له بل پلوه بیا په ملګرو ملتونو کې د یونان دایمي استازي او د ملګرو ملتونو د امنیت شورا اوسني مشر ایوانجیلوس سېکرېس دغه غونډه ګټوره یاده کړه.
په راپور کې ادعا شوې، چې د وضعیت نړۍوال کولو لپاره د پاکستان هڅه ناکامه شوه او د دغه شورا غړو اندېښنه څرګنده کړه چې د پاکستان د توغندیو ازموینې او اټومي بیانونه د تاوتریخوالي د زیاتوالي لامل کېږي.
په ملګرو ملتونو کې د پاکستان دایمي استازي عاصم افتخار احمد خبریالانو سره د خبرو پرمهال د شورا څخه د تاوتریخوالي د کمولو او خبرو اترو وړاندیز له امله مننه وکړه او زیاته یې کړه:« که څه هم پاکستان د شخړې هڅه نه کوي؛ خو موږ په بشپړ ډول چمتو یو، چې د خپل حاکمیت او ځمکنۍ بشپړتیا دفاع وکړو.»

د پهلګام برید وروسته
د جمو او کشمیر په پهلګام کې له برید وروسته د هند او پاکستان ترمنځ اړیکې خورا ترینګلې شوې دي.
دغه پېښه کې بریدګرو د سېلانیانو په یوه ډله ډزې وکړې، چې له امله یې ۲۶ کسان ووژل شول.
د دغې پېښې پړه د لشکر طیبې ډلې په غاړه واخیسته.
له برید وروسته، د هند حکومت د پاکستان په وړاندې د اوبو تړون ځنډولو او له دغه هېواده د پاکستاني وګړو د اېستلو په ګډون ګڼ افدامات وکړل.
سره له دې چې پاکستان یې هم په ځوابي توګه پر وړاندې ګڼ اقدامات ترسره کړل؛ خو د پاکستاني پوځیانو له‌خوا بیا بېګا شپه هم د پرلپسې ۱۲مې ورځې لپاره په پوله ډزو دوام لاره.