واټس اپ د پیغامونو د رالنډولو لپاره خپلو کاروونکو ته نوی فیچر وړاندې کوي
په واټساپ کې داسې ګڼ شمېر ځانګړتیاوې (فیچرونه) شته، چې تاسو سره د خپلو عزیزانو، ملګرو یا د دفتر له همکارانو سره د اړیکو په ټینګېدو کې مرسته کوي.
په واټساپ کې داسې ګڼ شمېر ځانګړتیاوې (فیچرونه) شته، چې تاسو سره د خپلو عزیزانو، ملګرو یا د دفتر له همکارانو سره د اړیکو په ټینګېدو کې مرسته کوي.
خو کله چې څوک د بېشمېره ګروپ چټونو، چینلونو او ټولنو برخه شي، نو د ټولو پیغامونو لوستل ډېر سخت شي، چې له امله یې ډېر مهم پیغامونه نالیدلي پاتې شي.
د دې ستونزې د حل لپاره، میټا (Meta) یو نوی فیچر وړاندې کوي.
د یو راپور له مخې، واټساپ پر یو نوي وسیله کار کوي، چې د پیغامونو لنډیز (summary) به وړاندې کوي.
راپور زیاتوي، چې دا لنډیزونه به د میټا AI له لارې د ګروپونو، چینلونو او انفرادي چټونو لپاره شخصي ډول برابر شي.
د دې فیچر موخه دا ده، چې کاروونکو ته اسانتیا ورکړي څو بېځایه وخت له لاسه ور نه کړي او ټول پیغامونه په خلاصه توګه ولوستل شي.
راپور زیاتوي، چې دا فیچر دا مهال د واټساپ د اندرایډ وسیلو په (ازمایښتي) نسخه کې ازمویل کېږي.
د دې فیچر کارول به هغه مهال ممکن شي کله چې یو کاروونکي ته د مشخصې شمېرې نوي پیغامونه راشي.
په دې حالت کې به د "unread" پیغامونو پورته یو اپشن ښکاره شي او چې پرې کلیک وشي، د ټولو پیغامونو خلاصه به جوړه شي.
راپور زیاتوي، چې شرکت هڅه کوي ډاډ ترلاسه کړي چې ستاسو پیغامونه لا هم له اول نه تر اخیره انکرپټ پاتې شي او نه میټا، نه واټساپ او نه کومه بله درېیمه ډله ورته لاسرسی ولري.
اوس مهال دا روښانه نه ده، چې د پیغام لنډیز به د هماغې چټ په دننه کې ښکاره شي، که به د میټا AI لپاره جلا چټ خلاصېږي.
همداراز ویل شوي، چې دا فیچر به هغو چټونو کې کار نه کوي چې "advanced chat privacy" پکې فعال وي.
د پیغامونو لنډیز فیچر څه شی دی؟
کله چې تاسو په واٹس اپ کې نوي پیغامونه ترلاسه کړئ، نو د "Unread" مسجونو په سر کې به یو نوی اختیار ښکاره شي.
په دې باندې کلیک کولو سره، د پیغامونو لنډیز به وړاندې شي چې تاسو ته د ټولو پیغامونو اصلي محتوا په لنډه توګه ښیي.
د محرمیت تدابیر
میټا ډاډ ورکوي، چې د دې فیچر په کارولو سره ستاسو ټول پیغامونه د "End-to-End Encryption" لاندې خوندي پاتې کېږي او نه میټا، واټس اپ او نه هم کومه درېیمه خوا ستاسو د پیغامونو محتوا ته لاسرسی لري.
د دې لپاره میټا یو نوی سیستم معرفي کړی، چې "Private Processing" نومېږي.
دا سیستم ډاډ ورکوي، چې ستاسو معلومات یوازې ستاسو په وسیله پروسس کېږي او د نورو له خوا نه لیدل کېږي.
لکه څنګه چې پورته یادونه شوې، دا فیچر لا هم په ازمایښتي مرحله کې دی، نو دا نهشي ویل کېدای چې کله به ټولو کاروونکو ته وړاندې شي.
د جي ایف پي د ۲۰۲۵ کال لپاره د هند د دفاعي ځواک بودیجه د پاکستان د پوځ له بودیجې یوولس برابره زیاته بللې ده او ویلي یې دي چې هند د ۲۰۲۵ - ۲۶ کال لپاره شاوخوا ۷۸.۷ میلیارده ډالره بودیجه لري او پاکستان بیا د ۲۰۲۵ - ۲۶ کال لپاره ۷.۶ میلیارده ډالره بودیجه لري.
پرتلنه ښيي چې هند د پوځي ظرفیت له پلوه تر پاکستان څو برابره پیاوړی دی، چې زیات پوځ او جنګي وسایل لري.
د پوځ شمېر او جوړښت:
• هند: شاوخوا ۵.۱۳ میلیونه نظامي پرسونل لري، چې پکې ۱.۴۶ میلیونه فعاله پوځیان، ۱.۱۵ میلیونه احتیاطي ځواکونه او ۲.۵ میلیونه غیررسمي ملېشې شاملې دي.
• پاکستان: ټولټال ۱.۷ میلیونه نظامي پرسونل لري، چې پکې ۶۵۴,۰۰۰ فعاله پوځیان، ۵۰۰,۰۰۰ غیر رسمي ملېشې(پارامیلیټري) او ۵۵۰,۰۰۰ احتیاطي ځواکونه شامل دي.
هوايي ځواکونه:
• هند: ۲,۲۲۹ نظامي الوتکې لري، چې پکې ۶۴۳ جنګي الوتکې شاملې دي.
• پاکستان: ۱,۳۹۹ نظامي الوتکې لري، چې پکې ۴۱۸ جنګي الوتکې شاملې دي.
ځمکنی ځواک:
• هند: ۳,۱۵۱ جنګي ټانکونه لري.
• پاکستان: ۱,۸۳۹ جنګي ټانکونه لري.
بحري ځواک:
• هند: یوه هوایي بېړۍ، ۱۱ ډیسټرایرونه، ۱۷ فریګیټونه، او ۱۶ ابدوزونه لري.
• پاکستان: ۸ فریګیټونه، ۵ ابدوزونه، او ۳ کورویټونه لري.
اټومې وسلې:
• هند: شاوخوا ۱۷۲ اټومي سرګلولې لري.
• پاکستان: شاوخوا ۱۷۰ اټومي سرګلولې لري.
که څه هم پاکستان د ځینو برخو لکه د ځانچاودو توپونو او راکټي توپخانې غښتلې برخه لري؛ خو هند د پوځي پرسونل، وسلو، او بودیجې له پلوه برلاسی دی.
د دواړو هېوادونو ترمنځ د اټومي وسلو شتون، هر ډول شخړه لا خطرناکه کوي.