طالبانو په بامیان کې څلور کسان په دُرو وهلي
د طالبانو ستره محکمه وایي، په بامیان ولایت کې یې درې کسان د «زنا او غلا» په تور او یو کس یې د «ناروا اړیکو» په تور محکوم او په درو وهلي.
د دغې محکمې په خبرپاڼه کې چې د چارشنبې په ورځ یې خپره کړې راغلي، یو کس په ۶ میاشتني بند محکوم او ۳۹ دُرې وهل شوی، دویم تورن په یوه کال تنفیذي بند محکوم او ۳۵ دُرې، درېیم کس په ۶ میاشتې بند محکوم او ۳۵ دُرې او څلورم کس په دوه میاشتني بند محکوم او ۳۵ دُرې وهل شوی.
تر دې مخکې د طالبانو سترې محکمې ویلي و، چې د لوګر ولايت په محمد اغې ولسوالۍ کې یې د دوو ښځو په ګډون څلور کسان په دُرو وهلي دي.
د دغې محکمې لهخوا په خپرې شوې خبرپاڼې کې راغلي، چې له دې ډلې درې کسان په «نامشروع اړيکو او يو کس په لواطت» تورن وو.