پاکستان له افغانستان او متحده عربي اماراتو سره د خپلو لوبو مهالوېش رسنیز کړ
د پاکستان کرېکټ بورډ (پيسيبي) د افغانستان، پاکستان او متحده عربي اماراتو ملي لوبډلو ترمنځ د درې اړخیزو ۲۰ اوریزو سیالیو رسمي مهالوېش رسنیز کړ.
د پاکستان کرېکټ بورډ (پيسيبي) د افغانستان، پاکستان او متحده عربي اماراتو ملي لوبډلو ترمنځ د درې اړخیزو ۲۰ اوریزو سیالیو رسمي مهالوېش رسنیز کړ.
د دغه مهالوېش له مخې؛ دغه سیالۍ به د روان ۲۰۲۵کال د اګسټ پر ۲۹مه پیل شي او د سپټمبر تر ۷مې پورې به په شارجه کې دوام وکړي.
په لومړۍ لوبه کې به افغانستان او پاکستان د اګسټ پر ۲۹مه نېټه د لوبو ډګر ته ښکته شي.
له اعلان شوي مهالوېش سره سم؛ هره لوبډله به دوه ځلې له نورو لوبډلو سره مخ کېږي او په پای کې به غوره لوبډلې وروستۍ لوبې ته لار مومي.
د دغه لړۍ وروستۍ لوبه به د سپټمبر میاشتې په ۷مه نېټه ترسره شي.
دغه سیالي د نړۍوال جام په ګډون راتلونکو مهمو سیالیو لپاره د درې واړو لوبډلو د چمتووالي یوه برخه ده.
