ټرمپ په اوکراین کې د اوربند په اړه: هر څه په پوتین پورې تړلي دي
د امریکا ولسمشر ډونالډ ټرمپ، هغه ضرب الاجل ته په اشارې سره چې هغه روسیې ته د اوکراین په جګړه کې کې د اوربند لپاره ورکړی وو، ویلي دي، چې هر څه په ولادیمیر پوتین پورې اړه لري.
د امریکا ولسمشر ډونالډ ټرمپ، هغه ضرب الاجل ته په اشارې سره چې هغه روسیې ته د اوکراین په جګړه کې کې د اوربند لپاره ورکړی وو، ویلي دي، چې هر څه په ولادیمیر پوتین پورې اړه لري.
هغه یادونه وکړه چې دا د روسیې له ولسمشر سره د هغه د لیدنې لپاره شرط نه دی چې پوتین له ولادیمیر زیلینسکي سره وګوري.
ټرمپ ټینګار وکړ،چې هغه به د جګړې له امله د رامنځته کېدونکې لا ډیرو وژنو د مخنیوي لپاره هرڅه وکړي.
ټرمپ مخکې خبرداری ورکړی و چې که روسیه د سولې له منلو څخه انکار وکړي، نو هغه به د روسیې د تیلو او ګازو په پیرودونکو نوي بندیزونه ولګوي.
هغه هند او چین د هغو هیوادونو په توګه پیژندلي دي چې د دې بندیزونو لخوا په نښه شوي دي.
د یادولو وړ ده، چې ټرمپ پلان لريچې ډیر ژر له پوتین سره وویني. د غونډې دقیق وخت او ځای لا نه دی اعلان شوی.
