د یونان په ځنګلونو کې اورلګېدنه؛ یو کس مړ شوی، ګڼ کورونه او کرنیزې ځمکې سوځېدلې دي
د یونان په ځنګلونو کې د بادونو او تېزو سېلیو له امله د پلازمېنې ایتنز له سوېل لوېدیځو څنډو څخه تر اولمپیا ځنګلونو پورې اورلګېدنه غځېدلې، چې له امله یې لږ تر لږه یو کس مړ شوی، ګڼ کورونه او کرنیزې ځمکې سوځېدلې دي.
اور لومړی د کراتیا په ښار کې ولګېد او وروسته اولمپیا ته نږدې د زیتونو بڼونو ته هم وغځېده.
د دغه اور چټکوالی په ساعت کې ۸۰ کیلومتره دی او له همدې امله تر دې دمه د اور وژنې هڅې ناکامه شوې دي.
