د ایران حکومت د تهران ښوونځیو کې د بېاسناده افغان کډوالو ماشومانو پر زدهکړه بندیز ولګاوه
د ایران د تهران ولایت د پوهنې رییس مجید پارسا د دوشنبې په ورځ ویلي، هیڅ ښوونځی حق نهلري چې له اعتبار وړ اسنادو پرته افغان کډوال ماشوم ومني.
د ایران د تهران ولایت د پوهنې رییس مجید پارسا د دوشنبې په ورځ ویلي، هیڅ ښوونځی حق نهلري چې له اعتبار وړ اسنادو پرته افغان کډوال ماشوم ومني.
د ایران «شرق» ورځپاڼې د راپور له مخې؛ مجید پارسا ویلي، دا پرېکړه د ایران د کورنیو چارو وزارت د لارښوونې پر بنسټ شوې چې پر ټولو دولتي او نادولتي ښوونځيو به عملي کېږي.
ورځپاڼې لیکلي، چې دا پرېکړه به د روان کال د وږي تر میاشتې پورې عملي شي.
د رسمي شمېرو له مخې؛ تېر کال شاوخوا ۶۰زره افغان ماشومانو د تهران په ښوونځیو کې زدهکړې کولې، خو اوس یوازې هغه ماشومان د نوم لیکنې حق لري، چې تایید شوي اسناد ولري.
ښاغلی پارسا وايي، د دې حکم له مخې به د تهران په ښوونځیو کې د زدهکوونکو شمېر کم شي او په ټولګیو کې به د زدهکوونکو شمېر هم لږ شي.
ایران وايي، په تېرو څلورو میاشتو کې یې له دغه هېواده تر یو مېلیون ډېر افغانان اېستلي دي. نړۍوالو بشري بنسټونو بیا راپور ورکړی، چې د دغه اېستل شویو کډوالو لویه برخه ماشومان جوړوي.
