کویټ کې په ناقانونه توګه د «شرابو جوړولو» په تور ۶۷ کسان نیول شوي دي
د کويټ کورنیو چارو وزارت ویلي، هغه ۶۷ کسان یې نیولي چې د کورني الکولي مشروباتو یا «شرابو» په جوړولو تورن وو. دغه ډول «شرابو» تر دې وړاندې ۲۳ کسان مړه کړي دي.
د کويټ کورنیو چارو وزارت ویلي، هغه ۶۷ کسان یې نیولي چې د کورني الکولي مشروباتو یا «شرابو» په جوړولو تورن وو. دغه ډول «شرابو» تر دې وړاندې ۲۳ کسان مړه کړي دي.
د کویټ حکومت د الکولي مشروباتو واردات او کورنی تولید بند کړی؛ خو ځینې خلک په پټه په داسې ځایونو کې شراب جوړوي، چې څارنه یې ګران کار دی، خونديتوب ته یې پام نه کېږي او د زهري کېدو ګواښ یې ډېر دی. د دغه هېواد د کورنیو چارو وزارت د شنبې په ماښام پر اېکس پاڼه ولیکل، چې په صنعتي استوګنځایونو کې یې د شرابو جوړولو شپږ فابریکې تړلې دي او څلور نورې یې موندلې دي.
د دغه هېواد د عامې روغتیا وزارت د پنجشنبې په ورځ وویل، چې له شرابو سره کډ شوي کېمیاوي موادو اېتانول له امله د مړو شویو کسانو شمېر ۱۶۰ ته لوړ شوی دی.
