طالبانو په بغلان او غزني کې د دوو ښځو په ګډون څلور کسان په عام محضر کې په دُرو ووهل
طالبانو په بغلان او غزني ولایتونو کې د دوو ښځو په ګډون څلور کسان د «نامشروع اړیکو او اخلاقي فساد» په تور په عام محضر کې په دُرو ووهل.
طالبانو په بغلان او غزني ولایتونو کې د دوو ښځو په ګډون څلور کسان د «نامشروع اړیکو او اخلاقي فساد» په تور په عام محضر کې په دُرو ووهل.
د طالبانو سترې محکمې د شنبې په ورځ (د وږي لومړۍ نېټه) د دوو جلا-جلا خبرپاڼو په خپرولو سره ویلي، چې یاد کسان هر یو له درېیو-درېیو میاشتو په تنفیذي بند او دغه راز له دېرشو تر پنځه دېرشو دُرو محکوم شوي و.
طالبانو ویلي، چې دغو کسانو ته یې د طالب ولایتي مشرانو، د قضا اړوند مسوولینو او عامو خلکو په حضور کې سزاوې ورکړي.
د بښنې نړۍوال سازمان د سوېلي اسیا څانګې له طالبانو غوښتي، چې د بشري حقونو نړۍوال قانون ته درناوی وکړي او باید سملاسي بدني سزاګانې پای ته ورسوي.
یاد سازمان زیاتوي، چې دا بدني سزاګانې د قربانیانو او د هغوی کورنیو ته د نامناسبې پروسې، قانوني حل لارو او مرستې په نه موجودیت کې ترسره کېږي.
دوی پر طالبانو غږ کړی، چې باید سملاسي د بدني سزا جرمي عمل پای ته ورسوي او د بشري حقونو نړۍوال قانون ته درناوی وکړي.
