په خېبر پښتونخوا کې ۸ وسله‌وال او پنځه پاکستاني سرتېري وژل شوي

دا چې دغه برید پر چا او د کومې موخې لپاره شوی؛ په دې تړاو لاتراوسه څه نه‌دي ویل شوي.

د پښتون ژغورنې غورځنګ مخکښ غړي زکیم خان وزیر هم پر اېکس پاڼه د وژل شوي ماشوم د انځور په خپرولو سره ویلي، چې دغه برید د پاکستان د پوځ له لوري شوی دی.

نوموړي همدا راز ادعا کړې، چې په وزیرستان کې د پاکستان د پوځ له لوري په ورته بریدونو کې د وژل شویو ماشومانو شمېر لسګونو ته رسېدلی.

هغه همدا راز ویلي، چې د برید په غبرګون کې د سیمې خلکو اعتراض هم کړی.

د چارواکو د معلوماتو له مخې؛ د روانې اګسټ میاشتې له ۱۵مې نېټې راهیسې په پښتونخوا کې ۴۰۹ کسان مړه او ۲۵۱ نور ټپیان شوي دي.

ځایي چارواکي وايي، چې د سختو ورښتونو او سېلابونو له کبله د برېښنا رسولو چارې ټکنۍ شوې، عامه تاسیساتو ته زیان رسېدلی او زرګونه کورنۍ له خپلو سیمو بې‌ځایه شوې دي.

د طبیعي پېښو د مدیریت ادارې د معلوماتو پربنسټ؛ د وروستیو سختو ورښتونو او سېلابونو له کبله په پاکستان کې د مړو شمېر ۷۸۸ ته رسېدلی دی.

د لوړپوړو امنیتي چارواکو په وینا؛ شاوخوا یوه اوونۍ وړاندې استخباراتي سرچینو ورسره معلومات شریک کړي وو، چې د خېبر پښتونخوا ایالت د دېر ولسوالۍ اړوند پر ډیورنډ کرښه د «ټي‌ټي‌پي» وسله‌والو یوه ډله سره راټولېږي او ځايي امنیتي ادارو دغه راټولېدنې ته بشپړ پلان چمتو کړی و.

د پاکستاني چارواکو په خبره؛ د یکشنبې په سهار د ترهګرۍ ضد ادارې، د ولسوالۍ پولیسو، د چټک غبرګون ځواک او ځانګړې قطعې په ګډون د دېر په دو بندو، بریکوټ، سلام کوټ او اتندره سیمو کې پوځي عملیات ترسره شول. د معلوماتو له مخې؛ وسله‌والو سره یې سخته نښته کړې او په پایله کې یې ۵ وسله‌وال وژلي دي.

د وسله‌والو له ډلې د یوه کس مړی د پاکستاني عسکرو لاس ته ورغلی دی. همدا راز ویل شوي، چې یاده جګړه کې یو ملکي وګړی وژل شوی او ۷ پولیس هم ټپیان شوي دي. د خېبر پښتوخوا ایالت د پولیسو لوی قوماندان ذولفقار حمید ویلي: «موږ خبر وو، چې ترهګر نیت لري دېر ته ننوځي. زموږ ځواکونو په هوښیارۍ سره د هغوی هڅې شنډې کړې.»

د راپور له مخې؛ په سیمه کې د پلټنو او چاڼیز عملیات لا هم روان دي، څو ډاډ ترلاسه شي چې د ترهګرو موجودیت بشپړه توګه له منځه ولاړ شي. هم‌مهاله په باجوړ او د خېبر پښتونخوا نورو سیمو کې هم د «ټي‌ټي‌پي» خلاف د پاکستاني پوځیانو او امنیتي ادارو عملیات چټک شوي دي. د دغو عملیاتو له کبله زرګونه کورنۍ بې‌ځایه شوې او ان قرباني شوې دي.

د خېبر پښتونخوا د بېلابېلو ولسوالیو اوسېدونکي شکایتونه کوي، چې د جګړې اړخونه د ملکي وګړو خوندیتوب ته پاملرنه نه‌کوي او هره ورځ عام کسان په نښه کېږي. پاکستان هم‌مهاله ادعا لري، چې په خېبر پښتونخوا کې د «ټي‌ټي‌پي» د پراخو فعالیتونو لامل په افغانستان کې دوی ته ورکړل شوي پناه ځایونه دي. که څه هم اسلام‌اباد په وار، وار له طالبانو غوښتي، چې د «ټي‌ټي‌پي» دغه پټنځایونه له‌منځه یوسي؛ خو ښکاري چې دغه غوښتنو باندې چندان غوږ نه‌دی ګرول شوی.

د اسلام اباد او طالبانو ترمنځ اوس‌مهال د مخالفتونو او ټکرونو ښکاره ټکی همدا د «ټي‌ټي‌پي» وسله‌والو پر سر دی.

د خیبرپښتونخوا د دیره اسماعیل خان مرستیال ولسوال سید ارسلان وايي چې د مالي زیانونو د ارزونې لپاره ډلې ګومارل شوې دي او سروې روانه ده.

په انځورونو کې ښکاري چې د سېلانونو له امله کورونه وېجاړ شوي دي.

بل لور ته د خیبر پښتونخوا سر وزیر علي امین ګنډاپور امر کړی، چې د زیانونو سملاسي ارزونه وشي.

ویل کېږي چې ماشومانو په دې سامان ډوله بم لوبې کولې. ټپيان شوي ماشومان یو یې ۸ او بل یې ۶ کاله عمر لري او سره وروڼه دي. دوی د درملنې لپارهد میرامشاه روغتون ته وړل شوي دي.

د روغتون چارواکي وايي، چې د دواړو ماشومانو روغتيايي وضعیت ښه دی. د راپور له مخې، تر پېښې وروسته پولیس د پېښې ځای ته رسېدلي او سيمه یې محاصره کړې ده.

لومړنۍ پلټنې ښيي چې د لوبو د سامان په ډول جوړ شوی بم یا خو په نامعلوم ځای کې غورځول شوی او یا ماشومانو د لوبو لپاره کور ته وړی و.