سیمه ییزو سرچینو افغانستان انټرنشنل-پښتو ته وویل، چې د پاکستان بې پیلوته الوتکې د شینوارو ولسوالۍ په ۲۸ ویاله سیمه کې د شاسوار په نوم د یوه کس پر کور بریدونه کړي دي.
سرچینې وایي، چې په برید کې دوه ماشومان ټپیان شوي او د بېړنیو روغتیایي خدماتو لپاره د غني خېلو روغتون ته لېږدول شوي دي.
دا په داسې حال کې ده، چې د خوست په سپېره ولسوالۍ کې هم سیمه ییزو سرچینو افغانستان انټرنشنل- پښتو ته وویل، چې د دې ولسوالۍ په سورکاخ کلي کې د بې پیلوټه الوتکې برید شوی، چې په پایله کې یې دوه تنه ماشومان وژل شوي او شپږ کسان ټپیان دي.
