سنډې ټایمز: ایران ممکن ۱۰۰ تنه اسراییل ته د جاسوسۍ په تور په دار وځړوي

بریتانیایۍ ورځپاڼې سنډې ټایمز راپور ورکړی، چې پر اوین زندان د اسراییل له برید وروسته داسې اندیښنې شته، چې ۱۰۰ کسان ممکن اسراییل ته د جاسوسۍ په تور اعدام شي. په راپور کې د دې بندیانو په منځ کې د افغانانو شته والی نه دی یاد شوی.

دا په داسې حال کې ده، چې د ایران او اسراییل ترمنځ د جګړې پرمهال د ایران امنیتي ځواکونو یو شمیر کسان اسراییل ته د جاسوسۍ په تور نیولي ول.

د یادونې وړ ده، چې یوازې د ۲۰۲۴کال په اوږدو کې، د ایران حکومت لږ تر لږه ۸۰افغان وګړي اعدام کړي دي. دا شمېر د ۲۰۲۳کال په پرتله درې برابره ډېر ښودل شوی دی.