پاپ له اسراییلي ولسمشر سره په لیدنه کې په غزه کې د دايمي اوربند غوښتنه وکړه
واتیکان اعلان کړی، چې پاپ لیو څوارلسم د پنجشنبې په ورځ د اسراییل له ولسمشر اسحاق هرتزوګ سره په لیدنه کې د غزې پر کړکېچن وضعیت بحث کړی دی.
واتیکان اعلان کړی، چې پاپ لیو څوارلسم د پنجشنبې په ورځ د اسراییل له ولسمشر اسحاق هرتزوګ سره په لیدنه کې د غزې پر کړکېچن وضعیت بحث کړی دی.
پاپ په دې لیدنه کې د دايمي اوربند د ټینګښت، د حماس له لوري د پاتې ټولو برمته شویو کسانو د ازادېدو او د سمدستي خبرو د بیا پیل غوښتنه وکړه.
د واتیکان په بیان کې ویل شوي، چې د دغو هڅو موخه زیانمنو سیمو ته د مرستو خوندي رسېدل، د نړۍوالو بشردوستانه قوانینو پوره رعایت او د دوو هېوادونو ترمنځ د یوې حل لارې موندل دي.
