جیوپولیټیک تاوتریخوالی؛ د جاپان او سویلي کوریا دفاع وزیران تر یوې لسیزې وروسته ناسته کوي

د سویلي کوریا دفاع وزارت خبر ورکړی، چې د دوی او جاپان دفاع وزیر به د دوشنبې په ورځ په دغه هېواد کې رسمي خبرې اترې وکړي. دا تر یوې لسیزې وروسته لومړی ځل دی، چې د جاپان دفاع وزیر په رسمي توګه سویلي کوریا ته سفر کوي.

دغه خبرې اترې په داسې حال کې ترسره کېږي، چې په سیمه کې جیوپوليټیک تاوتریخوالی زیات شوی او تېره اوونۍ د چین له لوري د لوی پوځي پریډ پر مهال د ځواک ننداره وشوه چې د شمالي کوریا مشر هم په‌کې ګډون کړی و.