پاکستان کې د کابینې د غړو او لوړپوړو حکومتي چارواکو ټلېفوني اړیکې افشا شوي

د پاکستان د کورنیو چارو وزیر محسن نقوي ویلي، د دغه هېواد د مخابراتي اړیکو ادارې سره یې خبرې کړې؛ څو د هغو کسانو پر وړاندې جدي اقدامات وشي، چې د کابینې د غړو او لوړ پوړو حکومتي چارواکو ټلېفوني اړیکې یې رسوا کړې دي.

محسن نقوي زیاته کړې، چې د چارواکو د موبایلونو څخه د هغوی غږونه ثبتېږي، انځورونه یې غلا کېږي او بیا په ګوګل یا نورو وېب پاڼو کې په ښکاره توګه پلورل کېږي. هغه خبرداری ورکړی، چې د سرغړونکو سره قانوني چلند کوي.