د طالبانو سترې محکمې ویلي، چې د تخار په ینګي کلا او خواجه بهاوالدین ولسوالیو کې یې د څلور ښځو په ګډون ۱۱ کسان د «نامشروع اړیکو» او غلا په جرم په عام محضر کې په دُرو وهلي دي.
دغې محکمې د پنجشنبې په ورځ د یوې خبرپاڼې په خپرولو سره ویلي، چې یاد کسان یې ۳۹ـ۳۹ دُرې وهلي او له دریو میاشتو څخه تر درې کاله یې په تنفیذي بند محکوم کړي دي.
د طالبانو سترې محکمې ویلي، چې تېره ورځ یې په کابل، لغمان او بلخ لایتونو کې د دوو ښځو په ګډون ۱۸ کسان د نشه يي توکو د پېر، پلور او قاچاق، له کوره د تېښتې او «اخلاقي فساد» په جرمونو په عام محضر کې په دُرو وهلي او زنداني کړي دي.
دغې محکمې په جلا جلا خپرپاڼو کې ویلي، چې په کابل کې یې ۱۴ تنه د نشه يي توکو د پیر، پلور او قاچاق په جرم له شل څخه تر ۳۹ دُرو وهلي او له لسو میاشتو تر درې کاله او شپږ میاشتو په تنفیذي بند محکوم کړي دي.
همدارنګه طالبانو ویلي، چې په بلخ ولایت کې یې یوه ښځه او یو نارینه د «نامشروع اړیکو» په جرم ۳۹ـ ۳۹ دُرې وهلي او په ۱ـ۱ کال تنفیذي بند محکوم کړي دي.
د طالبانو سترې محکمې زیاته کړې، چې د لغمان ولایت په الینګار ولسوالۍ کې یې هم یوه ښځه او یو نارینه له کوره د تېښتې او «اخلاقي فساد» په جرمونو ۳۹ـ۳۹ دُرې وهلي او هر یو یې په ۷ـ۷ کاله تنفیذي بند محکوم کړي دي.
طالبانو د سرپل په ګوسفندي او د بدخشان په شهر بزرګ ولسوالیو کې د ۴ ښځو په ګډون ۱۱ کسان د «لواطت، نامشروع اړیکو او زنا» په تور په عام محضر کې په دُرو وهلي دي. سترې محکمې ویلي، چې دغو کسانو ته یې د وهلو ترڅنګ له ۸ میاشتو څخه تر ۴ کلونو د بند سزا هم ورکړې.
د طالبانو سترې محکمې د چهارشنبې په ورځ (د زمري ۲۹مه) په یوه خبرپاڼه کې ویلي، چې د سرپل په ګوسفندي ولسوالۍ کې یې د ۴ ښځو په ګډون ۱۰ کسان د «لواطت، نامشروع اړیکو او زنا» په تور په عام محضر کې په دُرو وهلي دي.
د خبرپاڼې د معلوماتو له مخې، یادې ډلې دغو کسانو ته له ۲۱ څخه تر ۳۹ دُرو وهلو او له ۸ میاشتو څخه تر ۴ کلونو د تنفيذي بند سزاوې ورکړې دي.
د طالبانو سترې محکمې بیا په یوې جلا خبرپاڼه کې ویلي، چې دغې ډلې د بدخشان په شهر بزرګ ولسوالۍ کې یو کس د «لواطت» په تور ۳۹ دُرې وهلی او په دوه کاله تنفيذي بند یې هم محکوم کړی دی.
طالبانو ویلي، چې دغو کسانو ته یې د طالب ولایتي مشرانو، د قضا اړوند مسوولینو او عامو خلکو په حضور کې سزاوې ورکړي.
د بښنې نړۍوال سازمان د سوېلي اسیا څانګې له طالبانو غوښتي، چې د بشري حقونو نړۍوال قانون ته درناوی وکړي او باید سملاسي بدني سزاګانې پای ته ورسوي.
یاد سازمان زیاتوي، چې دا بدني سزاګانې د قربانیانو او د هغوی کورنیو ته د نامناسبې پروسې، قانوني حل لارو او مرستې په نه موجودیت کې ترسره کېږي.
دوی پر طالبانو غږ کړی، چې باید سملاسي د بدني سزا جرمي عمل پای ته ورسوي او د بشري حقونو نړۍوال قانون ته درناوی وکړي.
د بښنې نړیوال سازمان د سویلي اسیا څانګې له طالبانو غوښتي چې د بشري حقونو نړیوال قانون ته درناوی وکړي او باید سملاسي بدني سزاګانې پای ته ورسوي. سازمان زیاتوي، چې دا بدني سزاګانې د قربانیانو او د هغوی کورنیو ته د نامناسبې پروسې، قانوني حل لارو او مرستې په نه موجودیت کې ترسره کېږي.
دغه سازمان ویلي، چې قربانیان او د هغوی کورنۍ، په ځانګړې توګه ښځې، په عام محضر کې د دُرو وهلو له سختې سزا وروسته، په ټولنه کې د لا ډېرو غیرانساني شرایطو، ناوړه چلند او د انساني کرامت له سپکاوي سره مخ کېږي.
دوی پر طالبانو غږ کړی، چې باید سملاسي د بدني سزا جرمي عمل پای ته ورسوي او د بشري حقونو نړیوال قانون ته درناوی وکړي.
دغه سازمان څو ورځې وړاندې هم د یوې اعلامیې په خپرولو سره ویلي و، چې د افغانستان قانوني چوکاټ په بشپړه توګه لهمنځه وړل شوی او طالبانو د «اسلامي شریعت» له سختدریځه تفسیر څخه الهام اخیستی یو سیسټم جوړ کړی دی. دغه سازمان ویلي و، بېثباتي، خپلسرې محکمې او شکنجې د دغه ظالمانه نظام برخې دي.
د طالبانو سترې محکمې ویلي، چې په تېره یوه اونۍ کې یې په میدان وردک، کابل، زابل، کاپیسا، بغلان او کندوز ولایتونو کې ۳۱ کسان په عام محضر کې په دُرو وهلي دي. دوی زیاتوي په تېره یوه میاشت کې د افغانستان په بېلا بېلو ولایتونو کې ۸۱ کسان په عام محضر کې په دُرو وهلي دي.
د طالبانو سترې محکمې د شنبې په ورځ د خپل اونیز راپور په خپرولو سره ویلي، چې شپږ ولایتونو کې یې ۳۱ کسان په دُورو وهلي دي خو د یادو کسانو هویت یې نه دی په ډاګه کړی.
طالبانو تېره اونۍ په خپلو خبرپاڼو کې ویلي و، چې په کابل او زابل ولایتونو کې یې د یوې ښځې په ګډون ۱۴ کسان د شرابو، ټابلیټ کا او نامشروع اړیکو په تور په دُرو وهلي دي.
طالبان نږدې هره ورځ د بېلابېلو تورنو له کبله عام خلک په عام محضر کې په دُرو وهي، چې دغه کړنې د بشري حقونو د سازمانونو له خوا سخت غندل شوي.
د بشري حقونو سازمانونو او نړۍوالو بنسټونو په وار-وار له طالبانو غوښتي، چې بدنې سزاګانې ودروي؛ خو طالبان وايي، د شریعت په پلي کولو د هېچا پروا نه کوي.
طالبانو په کابل او زابل ولایتونو کې «د نشه يي توکو د پلور، غلا، زنا او نامشروع اړیکو» په تور د یوې ښځې په ګډون ۱۴ کسان په عام محضر کې په دُرو ووهل. د طالبانو ستره محکمه وایي، دې ډلې ۷ کسان په کابل او یوه ښځه او ۶ نارینه په زابل کې د دُرو د وهلو ترڅنګ په تنفیذي بند محکوم کړي دي.
د طالبانو سترې محکمې د چهارشنبې په ورځ (د زمري ۱۵مه) د دوو جلا-جلا خبرپاڼو په خپرولو سره ویلي، چې په کابل کې یې اوه تنه د «ټابلیټ کا، الکولي مشروباتو او چرسو د پلور او قاچاق په تور» په عام محضر کې په دُرو وهلي دي.
د خبرپاڼو له مخې، د نشه يي توکو او مسکراتو د مخنيوي ابتدایه محکمې دغو کسانو ته له ۱۰ څخه تر ۳۹ دُرې او له یو څخه تر درېيو کلونو تنفيذي بند سزاوې ورکړي دي.
د طالبانو سترې محکمې زیاته کړې، چې د زابل په شاجوی ولسوالۍ کې یې ۴ کسانو ته د «غلا او لواطت او یوې ښځې او درېيو نارینه وو ته د نامشروع اړیکو» په تور له ۲۰ څخه تر ۳۰ دُرې د وهلو سزا ورکړې ده.
طالبانو د دغو کسانو د پېژندنې په اړه نور معلومات نه دي خپاره کړي.
طالبان نږدې هره ورځ د بېلابېلو تورنو له کبله عام خلک په عام محضر کې په دُرو وهي، چې دغه کړنې د بشري حقونو د سازمانونو له خوا سخت غندل شوي.
د بشري حقونو سازمانونو او نړۍوالو بنسټونو په وار-وار له طالبانو غوښتي، چې بدنې سزاګانې ودروي؛ خو طالبان وايي، د شریعت په پلي کولو د هېچا پروا نه کوي.