د نیپال پخوانۍ قاضي القضاته ښايي د لنډمهاله لومړۍ وزیرې په توګه وټاکل شي
يوې باخبرې سرچينې رویټرز ته د جمعې په ورځ ويلي، چې د نیپال پخوانۍ قاضي القضاته سوشیلا کارکي ښايي د لنډمهاله لومړۍ وزیرې په توګه وټاکل شي. دغه خبرونه داسې مهال لاس په لاس کېږي، چې یاد هېواد کې د فساد ضد پراخ لاریونونه وشول او پخوانی لومړی وزیر شرما اولي یې استعفاء ته اړ کړ.
نیپال چې له کلونو راهیسې له سیاسي ناورین سره مخ و، همدې روانې اونۍ کې د پراخو لاریونونو پر مهال ۳۴کسان وژل شوي او تر ۱۳۰۰ ډېر ټپیان دي.