طالبان: د کونړ په زلزلو کې ۲۰۰ زره زده کوونکي اغېزمن شوي دي

د طالبانو د پوهنې وزارت ویلي، چې د وروستیو زلزلو له امله په ختېزو ولایتونو کې شاوخوا ۲۰۰زره زده کوونکي اغېزمن شوي او ګڼ ښوونځي او تعلمي مرکزونه ویجاړ شوي دي. د دغه وزارت په وینا، یوازې په کونړ ولایت کې ۲۶۸ زده کوونکي مړه شوي او ۸۶۲ نور ټپیان شوي دي.

طالبانو زیاتوي چې د دغو زلزلو له امله ګڼ شمېر زده کوونکي له رواني او فزیکي ستونزو سره مخ شوي او په ختېزو ولایتونو کې د زده کوونکو رواني ملاتړ او د ښوونیزو مرکزونو د بیارغونې په برخه کې بېړنیو مرستو ته اړتیا ده.