کایا کالاس: اروپايي ټولنه دې د اسراییل پر وړاندې د سوداګریزو بندیزونو ملاتړ وکړي
د اروپايي ټولنې د بهرني سیاست مسووله کایا کالاس، له غړو هېوادونو غواړي چې د اسراییل پر وړاندې د سوداګریزو بندیزونو له طرحې ملاتړ وکړي.
د اروپايي ټولنې د بهرني سیاست مسووله کایا کالاس، له غړو هېوادونو غواړي چې د اسراییل پر وړاندې د سوداګریزو بندیزونو له طرحې ملاتړ وکړي.
کالاس د «یورو نیوز» سره په مرکه کې ویلي،چې د اروپايي ټولنې ستراتیژي د اسراییل سره د «د مشارکت تړون» د سوداګریزو موادو ځنډول دي، او دا موضوع د اجنډا برخه ګرځېدلې ده.
اروپايي ټولنه د اسراییل تر ټولو ستر سوداګریز شریک بلل کېږي. د ۲۰۲۴کال په ترڅ کې د دواړو لورو د سوداګرۍ کچه ۴۲.۶میلیارد یورو ته رسېدلې وه، چې له هغې ۳۷سلنه یې د ځانګړو امتیازاتو پر بنسټ ترسره شوې وه.
د کالاس په وینا، که دغه امتیازات وځنډول شي، اسراییل به د لوړو لګښتونو سره مخ شي.
خو د پرېکړې وروستی واک د اروپايي ټولنې د غړو هېوادونو سره دی. تر اوسه ځینې هېوادونه لکه جرمني، ایټالیا، چک، اتریش، مجارستان او بلغاریا په مکرر ډول د رایې ورکولو له لارې د اسراییل پر ضد د بندیزونو هڅې ځنډولي دي.
