د هندي فلمي ستوري کمپاین غونډه کې د خلکو د ګڼې ګوڼې له امله ۲۹ کسان مړه شوي

د هندي رسنیو د راپور له مخې، د دغه هېواد د تامیل ناډو ایالت په کارور سیمه کې د فلمي ستوري او سیاستوال تلاپتي وېجي د کمپاین غونډې پرمهال د ګڼې ګوڼې له امله لږ ترلږه ۲۹ کسان مړه شوي او شاوخوا ۵۰ نور ژوبل شوي دي.

هندو ورځپاڼې ته د تامیل ناډو ایالت د روغتیا وزیر سبرامانین د مړو او ژوبلو شمېر تایید کړی او ویلي یې دي، چې د ژوبلو کسانو د درملنې لپاره یې له نېږدو سیمو څخه روغتیا پالان هم د پیښې سیمې ته استولي دي.