د بغلان په دوو ولسوالیو کې د ټرافیکي پېښو له کبله ۱۲ کسان ټپیان شوي
د بغلان ولایت لپاره د طالبانو امنیه قوماندانۍ ویلي چې د دغه ولایت په خنجان او دوشي ولسوالیو کې د ټرافیکي پیښو له کبله ۱۲ کسان ټپیان شوي دي.
د بغلان ولایت لپاره د طالبانو امنیه قوماندانۍ ویلي چې د دغه ولایت په خنجان او دوشي ولسوالیو کې د ټرافیکي پیښو له کبله ۱۲ کسان ټپیان شوي دي.
د طالبانو یادې امنیه قوماندانۍ له لورې په خپرې شوې خبرپاڼه کې راغلي چې یوه پېښه د خنجان په چهارمغزک سیمه کې د کرولا موټر د چپه کېدو او بله هغه په دوشي ولسوالۍ کې د دوو موټرو د ټکر له امله رامنځته شوې چې د ښځو او ماشومانو په ګډون ۱۲ تنه پکې ټپیان شوي دي.
د معلوماتو له مخې دواړه پیښې د موټر چلوونکو د بې احتیاطۍ له کبله رامنځته شوي دي.
