د ایران د حکومت ویانده: بندیز بد دی، خو د بندیز په اړه د لیدلوري ډول مهم دی

د ایران د حکومت ویاندې فاطمه مهاجراني د «ماشه مکانېزم» فعالیېدو ته په اشارې سره وویل: «بندیز د هر هېواد لپاره بد دی، خو د بندیز په اړه د لیدلوري ډول او دا چې څنګه له ستونزو څخه فرصتونه رامنځته شي، ارزښت لري.»

په داسې حال کې چې ایران اوسمهال له بېلابېلو نورو ستونزو په ځانګړي ډول د انرژۍ له سخت کمښت سره مخ دی، هغې زیاته کړه: «په ژمي کې د ګاز د کموالي د جبران لپاره هم باید سپما وکړو.»