طالبانو له طبیعي پېښو سره د مبارزې لپاره له چین نه د عصري تجهیزاتو غوښتنه کړې

د طالبانو د کورنیو چارو وزارت وايي، چې د دغه وزارت د طبیعي پېښو او اور وژنې برخې مشر نورالله انصار د چین د جیانګسو ایالت د ژغورنې د چارو د مسوول سره په ناسته کې د عصري تجهیزاتو او وسایلو غوښتنه کړې ده.

دغه وزارت پر اېکس پاڼه لیکلي، چې دغه چنیايي مسوولینو د طبیعي پېښو پر وړاندې د مبارزې لپاره د اړونده برخې د کارکوونکو د روزنې سربېره د همکارۍ ژمنه کړې ده.