کندهار، هلمند، فراه او هرات ولایتونو کې د پولیو کمپاین پیل شو
په کندهار، هلمند، فراه او هرات ولایتونو کې د پولیو کمپاین پیل شو. له پولیو څخه د پاک افغانستان بنسټ ویلي، چې دغه کمپاین نن دوشنبه (د تلې ۷مه) د کندهار، هلمند، فراه او هرات ولایتونو په بېلابېلو ولسوالیو کې پیل شوی دی.
یاد بنسټ له کورنیو غوښتي، چې خپل ماشومان واکسین کړي. افغانستان او پاکستان په نړۍ کې یوازیني هغه دوه هېوادونه دي، چې لا هم د ګوزڼ ناروغۍ راپورونه پهکې ورکول کېږي.
